វិធីងាយៗ អាចសាកធ្វើបាយឆាបែបចិន ឆ្ងាញ់មិនចាញ់ចុងភៅអាជីព
- 2020-04-14 01:00:00
- ចំនួនមតិ 0 | ចំនួនចែករំលែក 0
វិធីងាយៗ អាចសាកធ្វើបាយឆាបែបចិន ឆ្ងាញ់មិនចាញ់ចុងភៅអាជីព
ស្របគ្នានឹងពិធីអបអរបុណ្យចូលឆ្នាំថ្មី ប្រពៃណីខ្មែរ ស្រ្តីមេផ្ទះទូទៅ បានរៀបចំម្ហូបអាហារដើម្បីញ៉ាំជុំគ្នាជាមួយគ្រួសារ ហើយបាយជាអាហារដែលមិនអាចខ្វះបាន។ បាយសនេះផងដែរ ក៏គេអាចធ្វើជាបាយឆាច្រើនប្រភេទសម្រាប់ញ៉ាំដើម្បីប្ដូររសជាតិពីបាយសធម្មតា ខណៈបាយឆាជាអាហារហូបងាយចម្អិន និងរហ័ស។
ចង់បានអង្ករផ្កាម្លិះប្រណីតដាំដុះដោយធម្មជាតិគុណភាពល្អឥតខ្ចោះដឹកដល់ផ្ទះរបស់លោកអ្នកចុចត្រង់នេះ!
សម្រាប់ថ្ងៃនេះ កញ្ញា សូមលើកយកបាយឆាបែបចិន ដែលអ្នកទាំងអស់គ្នាអាចរៀនធ្វើវាដោយខ្លួនឯងតាមរូបមន្តដូចខាងក្រោម៖
គ្រឿងផ្សំ
បាយឆ្អិនស្រាប់ ១ចានគោម
ស្លឹកខ្ទឹម ២បី៣ដើម
សាក់ក្រក (ប្រភេទសាច់តាមចូលចិត្តហាន់រួច១ចាន)
បន្លែលាយ (ពោត ការ៉ុត សណ្ដែកបារាំង តាមការចូលចិត្ត និងជួយបន្ថែមសោភ័ណភាព)
ស៊ុត (ពីរគ្រាប់គោះវាយចូលគ្នាស្រេច)
- ទឹកស៊ីអ៊ីវ ៣ស្លាបព្រាបាយ
ស្ករស ១ចុងស្លាបព្រាបាយ
ទឹកស៊ីអ៊ីវខ្មៅ (ស៊ីអ៊ីវខាប់) ១ចុងស្លាបព្រាបាយ
ទឹក ១ស្លាបព្រាបាយ (លាយគ្រឿងទេស ទឹកស៊ីអ៊ីវ និងទឹកចូលគ្នាឲ្យហើយ)
របៀបចម្អិន៖
ដាក់ខ្ទះឲ្យក្ដៅដោយពុំចាំបាច់ចាក់ប្រេងឆាចូល រួចដាក់សាច់ក្រកត្រលប់ឲ្យសព្វឆ្អិនក្រៀមល្មម រួចដាក់បន្លែ ពោត ការ៉ុត និងសណ្ដែកបារាំងចូលឆាត្រលប់ឲ្យសព្វ។
ដាក់បាយឆ្អិនស្រាប់ចូល រួចដាក់ស៊ុតពីរគ្រាប់ចូលច្របល់ឲ្យសព្វ។
ដាក់ទឹកគ្រឿងចូល ដាក់ស្លឹកខ្ទឹមហាន់ចូល ឆាត្រលប់ប្រហែល៣នាទីឆ្អិន ដួសដាក់ចានអ្នកនឹងបានបាយឆាបែបចិន១ចានមិនចាញ់ស្នាដៃចុងភៅ។
សូមទស្សនាវីដេអូលម្អិតបន្ថែមនៃរបៀបធ្វើ៖
ចង់បានអង្ករផ្កាម្លិះប្រណីតដាំដុះដោយធម្មជាតិគុណភាពល្អឥតខ្ចោះដឹកដល់ផ្ទះរបស់លោកអ្នកចុចត្រង់នេះ!