ពណ៌សម្លៀកបំពាក់ ៤ នេះនារីកូរ៉េៗចូលចិត្តណាស់

2020-01-23 05:15:00
ចំនួនមតិ 0 | ចំនួនចែករំលែក 0

តើមិត្តនារីណាខ្លះមិនចូលចិត្តស្ទីលតែងខ្លួនបែបនារីកូរ៉េ? ភាគច្រើន មិត្តយុវវ័យនាពេលបច្ចុប្បន្ននេះគឺចូលចិត្តតែងខ្លួនទៅតាមការនិយមនៃម៉ូដសម្លៀកបំពាក់ដូចជា បែប swag បែបសុភាព និងបែបសិចស៊ី។ ថ្ងៃនេះ កញ្ញា សូមណែនាំអំពីពណ៌សម្លៀកបំពាក់ដែលមានការពេញនិយមពីនារីកូរ៉េភាគច្រើន។ ពណ៌អស់ទាំងនោះរួមមាន៖

១. ពណ៌សម្លៀកបំពាក់ស្រស់ៗ

រូបតំណាង

នៅរយៈពេលប៉ុន្មានឆ្នាំនេះ នារីកូរ៉េភាគច្រើនចូលចិត្តប្រើពណ៌សម្លៀកបំពាក់បែបស្រស់ៗខ្ជីៗចែងចាំងដូចជា ពណ៌ទឹកក្រូច ត្រួយចេក លឿង និងក្រហម។ ពណ៌អស់ទាំងនេះគឺគេឃើញមានច្រើននៅលើសម្លៀកបំពាក់កូរ៉េ។

២. ពណ៌សម្លៀកបំពាក់ស្រដៀងនឹងពណ៌ដី

រូបតំណាង

ជាមួយ trend សម្លៀកបំពាក់ ពណ៌ដីគឺនៅតែពេញនិយមខ្លាំងសម្រាប់មិត្តនារី។ ក្រៅពីពណ៌ដីមានពណ៌ដែលស៊ីជាមួយនឹងពណ៌ត្នោត ពណ៌ខារ៉ាមែលគឺសុទ្ធតែស៊ីគ្នា។ អ្នកអាចជ្រើសរើសសំពត់ អាវក្រៅ ឬខោទៅតាមចំណង់ចំណូលចិត្តរបស់អ្នក។

៣. ពណ៌ខ្មៅ

រូបតំណាង

ពណ៌ខ្មៅមិនថាស្ទីលបែបម៉េចទេ គឺមានការពេញនិយមខ្លាំងពីសំណាក់មិត្តយុវវ័យ។ ពិសេសស្ទីលបែប swag មើលមកពិតជាមានទំនុកចិត្តលើខ្លួនឯងតែម្តង។ មិនត្រឹមតែប៉ុណ្ណោះ ប្រសិនបើអ្នកចង់ឲ្យមើលមករាងតូចច្រឡឹង អ្នកអាចជ្រើសរើសខោពណ៌ខ្មៅ ឬរ៉ូបពណ៌ខ្មៅដើម្បីឲ្យកាន់តែស្រស់ស្អាត។

៤. ពណ៌ស

រូបតំណាង

បើនិយាយពីសម្លៀកបំពាក់ពណ៌វិញ សម្លៀកបំពាក់ពណ៌សគឺមានភាគច្រើននៅក្នុងទូរខោអាវរបស់មិត្តនារី។ សំពត់ ខោក្រណាត់ អាវយឺត អាវក្រណាត់ដៃវែង ឬរ៉ូបសុទ្ធតែមានការពេញនិយមសម្រាប់មិត្តយុវវ័យ។ ភាគច្រើន គឺគេចូលចិត្តពាក់អាវសដៃវែងជាមួយខោខូវប៊យឬខោខ្មៅ។ ទោះជាយ៉ាងណាក៏ដោយអ្នកអាចជ្រើសរើសពណ៌សម្លៀកបំពាក់ទៅតាមចំណង់ចំណូលចិត្តរបស់ខ្លួន៕

រូបភាព៖ Pinterest

ចុចអានបន្ត៖

ចង់ឲ្យអ្នកដទៃមើលមកជានារីរឹងមាំអត់? ឈុតអាវខ្មៅ ខោខ្មៅគឺត្រូវខ្លាំងតែម្តង

ប្រភព៖ tagsis ប្រែសម្រួល៖ សុវណ្ណ ស្រីពីន