ដឹងអត់! ពណ៌ក្រចកបង្ហាញពីអត្តចរិតអ្នកយ៉ាងដូចម្តេចខ្លះ?
- 2019-10-30 08:15:00
- ចំនួនមតិ 0 | ចំនួនចែករំលែក 0
ដឹងអត់! ពណ៌ក្រចកបង្ហាញពីអត្តចរិតអ្នកយ៉ាងដូចម្តេចខ្លះ?
អ្នកប្រហែលជាគិតថា ការជ្រើសរើសពណ៌ក្រចកគឺគ្រាន់តែជាសំបកក្រៅតែប៉ុណ្ណោះ តែវាអាចបង្ហាញពីអត្តចរិតរបស់អ្នកនិងអារម្មណ៍របស់អ្នកពេលនោះ។
១. ពណ៌ផ្កាឈូក
នរណាៗក៏ដឹងថា ពណ៌ផ្កាឈូកគឺតំណាងឱ្យភាពទន់ភ្លន់ ភាពជានារី។ អ្នកដែលចូលចិត្តលាបពណ៌ផ្កាឈូកជាមនុស្សយកចិត្តទុកដាក់ជាមួយអ្នកដទៃ និងជាមនុស្សចិត្តស្រាល។
**២. ពណ៌ប្រផេះ**
បើអ្នកជ្រើសរើសពណ៌ប្រផេះ នោះមានន័យថាអ្នកនៅពាក់កណ្តាលពណ៌ស និងខ្មៅ មិនមានទំនោរទៅពណ៌ណាជាងនោះទេ។ នេះក៏អាចសរបញ្ចាក់ថាអ្នកជាមនុស្សដែលពិបាកសម្រេចចិត្ត និង មិនចូលចិត្តប្រថុយ។
៣. ពណ៌ខៀវ
ពណ៌ខៀវតំណាងឱ្យ ភាពជឿជាក់ និង ភាពស្មោះត្រង់។ អ្នកចូលចិត្តពណ៌ខៀវតែងជា មិត្តភក្តិល្អ។
៤. ពណ៌លឿង
ពណ៌លឿងភាគច្រើនតំណាងឱ្យ ភាពរីករាយ ការត្រេកអរ និងភាពកក់ក្តៅ។
៥. ពណ៌ក្រហម
គ្រប់គ្នាប្រហែលជាបានដឹងហើយថា ពណ៌ក្រហមបញ្ចាក់ពីភាពមោះមុត និង ភាពជឿជាក់។ អ្នកចូលចិត្តពណ៌ក្រហមតែងសម្រេចចិត្តដោយប្រើអារម្មណ៍ច្រើនជាងខួរក្បាល ហើយអាចនឹងក្តៅក្រហាយច្រើនពេលខ្លះ។
៦. ពណ៌ស
ពណ៌សតំណាងឱ្យភាពស្អាតស្អំ និងភាពល្អឥតខ្ចោះ។ វាអាចបង្ហាញថា អ្នកជាមនុស្សស្អាតបាត ហើយពេលលាប ពណ៌ស មើលទៅ ផ្អែមល្ហែម និង រីករាយ។
៧. ពណ៌ខ្មៅ
អ្នកចូលចិត្តលាបក្រចកខ្មៅ ច្រើនជាមនុស្សអាថ៌កំបាំង តែក៏ពោរពេញទៅដោយកម្លាំង និងភាពថ្លៃថ្នូរ ។ ថ្វីត្បិតតែពណ៌នេះមើលមករាងកាចបន្តិច តែវាគួរឱ្យទាក់ទាញ។
៨. ពណ៌ត្នោត ពណ៌នេះកម្រមានគេលាប ប៉ុន្តែវាជាពណ៌មួយដែលស្អាតហើយបង្ហាញថាអ្នកជាមនុស្សរួសរាយ។
៩. ពណ៌បៃតង
ដោយពណ៌នេះ វាស្រដៀងទៅនឹងធម្មជាតិ វាតំណាងឱ្យ ភាពជឿជាក់និងភាពនៅកណ្តាល។
១០. ពណ៌សាច់
ថ្វីត្បិតតែពណ៌នេះមិនសូវលេចធ្លោរក៏ពិតមែន ប៉ុន្តែវាបង្ហាញច្រើនណាស់ពីអត្តចរិតរបស់អ្នក ។ ជាក់ស្តែងវាបង្ហាញថាអ្នកជាមនុស្សមានភាពឈ្លៀសវៃ និងមានភាពឯករាជ្យ។ អ្នកជាមនុស្សងាយស្រួលចុះសម្រុងនឹងគេ ដូចពណ៌ក្រចកនេះអញ្ចឹង។
ចុចអានបន្ត៖អ្នកចូលចិត្តហាត់ប្រាណ គួរដឹងពីវិធីថែសម្រស់តាម ៤ ចំណុចនេះ