ទម្លាប់អាក្រក់ ៨ យ៉ាង ធ្វើឲ្យស្បែកឆាប់ចាស់ជ្រីវជ្រួញមុនវ័យ
- 2019-07-29 07:05:00
- ចំនួនមតិ 0 | ចំនួនចែករំលែក 0
ទម្លាប់អាក្រក់ ៨ យ៉ាង ធ្វើឲ្យស្បែកឆាប់ចាស់ជ្រីវជ្រួញមុនវ័យ
ពេលខ្លះអ្នកអាចគិតថា ដើម្បីឲ្យស្បែកទន់រលោងរស់រានមានជីវិតម្តងទៀតលុះត្រាតែត្រូវចំណាយលុយច្រើន ដើម្បីទិញផលិតផលរាប់មុខយកប្រើប្រាស់ជាប្រចាំ។ យ៉ាងណាក៏ដោយ លទ្ធផលមិនមែនដូចអ្វីដែលអ្នកបានរំពឹងទុកទាំងស្រុងឡើយ។ ប្រសិនបើអ្នកចង់ឲ្យស្បែកមានសុខភាពល្អ ក្មេងបានយូរ មិនឆាប់ចាស់ជ្រីវជ្រួញមុនវ័យ គួរបោះចោលទម្លាប់អាក្រក់ទាំងនេះសិន។
១. ប្រើស្រ្កាប់ខាត់មុខញឹកញាប់ពេក
ពេលអ្នកប្រើស្រ្កាប់ដើម្បីដុសខាត់មុខញឹកញាប់ពេក មិនត្រឹមតែបំផ្លាញស្រទាប់ស្បែកខាងលើប៉ុណ្ណោះទេ វាថែមទាំងធ្វើឲ្យបាត់បង់ជាតិប្រេងធម្មជាតិនៅលើស្បែកមុខ បណ្តាលឲ្យស្បែកប្រែទៅជាស្ងួត និងឆាប់ចេញមុន។
២. លាបគ្រីមការពារជ្រួញតែមួយមុខ
ស្នាមជ្រួញដែលកើតមាននៅលើមុខហើយ មិនអាចបាត់ទៅវិញទាំងស្រុងឡើយ ប៉ុន្តែមានវិធីពន្យាដើម្បីការពារស្បែកមិនឲ្យឆាប់លេចចេញស្នាមជ្រួញលឿនពេក។ ការប្រើប្រាស់គ្រីមទប់ស្កាត់ជ្រួញតែមុខ នៅមិនទាន់គ្រប់គ្រាន់នៅឡើយទេ ត្រូវផ្តោតសំខាន់លើការផ្តល់សំណើម និងប្រើប្រាស់ផលិតផលឲ្យត្រឹមត្រួវតាមដំណាក់កាលរាល់ថ្ងៃ។
៣. ប្រើកន្សែងជូត បន្ទាប់ពីលាងមុខ
ការប្រើកន្សែងមកជូតសម្ងួតខ្លាំងៗ បន្ទាប់ពីលាងមុខរួច អាចបំផ្លាញស្បែកយ៉ាងខ្លាំង។ វិធីល្អបំផុត គួរជូតថ្នមៗផ្តិតតិចៗនិងទុកឲ្យស្ងួតដោយឯងៗ។ ជាពិសេស ត្រូវប្រើកន្សែងសាច់ទន់ សម្រាប់ស្បែកមុខ មិនឡូកឡំជាមួយកន្សែងជូតខ្លួន។
៤. ទម្លាក់សក់ចុះ នៅពេលគេង
សក់របស់អ្នកមានជាប់ជាមួយជាតិប្រេង និងជាតិកខ្វក់ច្រើនខ្លាំងណាស់ ដូច្នេះហើយវាអាចបំផ្លាញស្បែកបានយ៉ាងងាយ។ ពេលគេង គួរលើកសក់ទៅលើឡើងឲ្យផុតស្រឡះពីសាច់មុខ។
៥. មិនផ្លាស់ប្តូរស្រោមខ្នើយញឹកញាប់
នៅលើស្រោមខ្នើយ មានជាប់កោសិកាងាប់ៗ ធូលី និងជាតិកខ្វក់គ្រប់បែបយ៉ាង ដូច្នេះត្រូវផ្លាស់ប្តូរ យ៉ាងហោចណាស់មួយសប្តាហ៍ម្តង។
៦. មិនប្រើម៉ាស់ភក់
ម៉ាស់ភក់ (Clay Mask) ត្រូវបានទទួលស្គាល់ជាសាកលលោកថា ពិតជាល្អសម្រាប់ស្បែកគ្រប់ច្រើនប្រភេទ។ វាមានតួនាទី ជួយឲ្យស្បែកមានសភាពស្រស់ថ្លា កម្ចាត់មុន និងផ្ចិតរន្ធរោមផងដែរ។
៧. មិនញ៉ាំបន្លែផ្លែឈើឲ្យបានគ្រប់គ្រាន់
បន្លែផ្លែឈើផ្តល់អត្ថប្រយោជន៍ខ្លាំងក្រៃលែងចំពោះសុខភាពស្បែក ក្នុងនោះមានដូចជា៖
ផ្កាខាត់ណាបៃតង៖ ជួយកាត់បន្ថយអាការៈស្បែកហើមក្រហម ក្រោយត្រូវកម្តៅថ្ងៃខ្លាំង។
ប៉េងប៉ោះ និង ផ្លែអាព្រីខុត (Apricot)៖ ជួយការពារស្បែកពីការបំផ្លាញនៃពន្លឺព្រះអាទិត្យ។
ការ៉ុតនិងផ្លែប៉េះ៖ ញ៉ាំជាប្រចាំជួយឲ្យស្បែកស្រស់ថ្លាពីខាងក្នុង។
៨. គិតតែបិតបាំង មិនរកវិធីព្យាបាលពីខាងក្នុង
ពេលកើតមុនឬនៅសល់ស្នាមមុន បើអ្នកគិតតែប្រើម្សៅមកបិតបាំងជាប្រចាំនោះ វាមិនល្អសោះឡើយ។ ដើម្បីស្រោចស្រង់ស្បែកឲ្យមានសុខភាពល្អ ភ្លឺថ្លាឡើងវិញ គួរទៅជួបអ្នកជំនាញ ឬវិធីព្យាបាលណាដែលមានប្រសិទ្ធិភាពទើបល្អ។
តើអ្នកមានទម្លាប់ដូចអ្វីដែលបានរៀបរាប់ខាងលើ ប៉ុន្មានចំណុចដែរ? បើមានមែន ត្រូវព្យាយាមបោះចោលឲ្យអស់ ទើបស្បែកមិនឆាប់ចាស់ជ្រីវជ្រួញ៕
ចុចអានបន្ត៖ ប្រយ័ត្នស៊យធំ! កុំលាបពណ៌សក់ឱ្យសោះបើអ្នកកំពុងមានបញ្ហាទាំង៤នេះ