ចង់ឲ្យកូនសក់ក្រាស់តាំងពីកំណើត ពេលមានផ្ទៃពោះគួរញ៉ាំរបស់ទាំងនេះ

2019-01-18 05:00:00
ចំនួនមតិ 0 | ចំនួនចែករំលែក 0

ទាំងម្តាយទាំងកូន ត្រូវការជីវជាតិបំប៉នជាច្រើនក្នុងអំឡុងពេលពពោះ ៩ ខែ ១០ ថ្ងៃនេះ។ អាហារគ្រប់មុខត្រូវតែមានវីតាមីនខ្ពស់ និងជាតិរ៉ែ ដើម្បីជួយដល់ការលូតលាស់សក់របស់គភ៌ រួមទាំងរាងកាយទាំងមូលផងដែរ។ គភ៌នៅក្នុងផ្ទៃរបស់ម្តាយគ្រប់រូប ចាប់ផ្តើមមានដុះកូនសក់ចេញមក ក្នុងចន្លោះសប្តាហ៍ទី ១៤-១៥។ អ័រម៉ូនម្យ៉ាង ដែលមានឈ្មោះថាអេស្ត្រូជែន (estrogen) បានដើរតួនាទីយ៉ាងសំខាន់ ដើម្បីជួយបណ្តុះសក់គភ៌ឲ្យក្រាស់ស្អាតទាំងពីកំណើត ហើយក៏មានអាហារជាច្រើនទៀតដែលអ្នកម្តាយគួរញ៉ាំពេលមានផ្ទៃពោះ។

១. ស៊ុត៖ ផ្ទុកទៅដោយជាតិប្រូតេអ៊ីនខ្ពស់ ជួយឲ្យសក់លូតលាស់ល្អ។

២. ត្រី៖ មានជាតិអូមេហ្គា៣ និងអាស៊ីតខ្លាញ់៦ អាចជួយបណ្តុះសក់។

៣. ក្រូចលឿង៖ មានវីតាមីនខ្ពស់ ហើយក៏មានតួនាទីជំរុញឲ្យសក់ដុះលឿនដែរ។

៤. គ្រាប់ធញ្ញជាតិ៖ នេះជាអាហារសម្រន់ ដែលសម្បូរទៅដោយជាតិសរសៃ ជាតិរ៉ែ និងប្រូតេអ៊ីន។

អាហារដែលបានរៀបរាប់ខាងលើ សុទ្ធតែដើរតួនាទីសំខាន់ ក្នុងការធ្វើឲ្យសក់របស់គភ៌ក្នុងផ្ទៃលូតលាស់។ យ៉ាងណាមិញ វាក៏អាស្រ័យលើហ្សែនជាចម្បងផងដែរ។ ស្រ្តីកំពុងពពោះ គួរតែញ៉ាំអាហារដែលល្អសម្រាប់សុខភាព និងជៀសវាងការកើតទុក្ខមិនសប្បាយចិត្ត ទៅជាស្រ្តេស ដែលអាចបង្កផលប៉ះពាល់ដល់ការលូតលាស់របស់គភ៌៕