៥ចំណុចបញ្ជាក់ថា នីគីនីគី គឺជាតារាចម្រៀងស្រីកម្ពុជាដែលគួរឲ្យសរសើរ
- 2018-01-04 08:08:53
- ចំនួនមតិ 0 | ចំនួនចែករំលែក 0
៥ចំណុចបញ្ជាក់ថា នីគីនីគី គឺជាតារាចម្រៀងស្រីកម្ពុជាដែលគួរឲ្យសរសើរ
ដើម្បីក្លាយខ្លួនជាអាយដលម្នាក់ គឺត្រឹមតែមានរួបសម្ផស្សស្រស់ស្អាត និងមានសំឡេងពីរោះនោះគឺគ្រប់គ្រាន់ហើយមែនទេ? អាចនិយាយបានថារូបសម្បត្តិនិងសំឡេងគឺជាអត្ថិភាពចម្បងមួយ។ តែមានចំណុចជាច្រើនទៀតដែល អ្នកមើលរំលងពីសមត្ថភាពនិងទេពកោសល្យរបស់អាយដលមួយចំនួន តួយ៉ាងដូចជា កញ្ញា នីគី នីគី។ ខាងក្រោមនេះជាចំណុចដែលនាងជាតារាចម្រៀងស្រីគួរឲ្យសរសើរនិងលើកតម្កើង៖
១. នាងជាម្ចាស់បទដើម (Original Songs)
នីគី នីគីច្រៀងបទចម្រៀងដែលជាស្នាដៃនិពន្ធថ្មីរបស់ខ្លួនឯងផ្ទាល់។ នៅពេលខ្លះគេឃើញនាងច្រៀងបទចម្រៀងបរទេស តែនាងច្រៀងជាលក្ខណៈ Cover តាមសំនូមពរអ្នកគាំទ្រ និងមិនភ្លេចដាក់ក្រេឌីតឲ្យម្ចាស់ដើមឡើយ។
២. នាងនៅពីក្រោយការផលិតទាំងអស់របស់នាង
មិនត្រឹមតែជាតារាចម្រៀងទេ តែជាអ្នកនិពន្ធបទភ្លេងនិងទំនុកច្រៀង, សរសេរសាច់រឿង, ដឹកនាំសម្ដែងវីដេអូ MV និងកាត់វីដេអូខ្លួនឯងផងដែរ។ មិនត្រឹមតែប៉ុណ្ណោះមានពេលខ្លះនាងត្រូវចំណាយពេលរកConcept ផាត់មុខធ្វើសក់ខ្លួនឯងដើម្បីឲ្យស៊ីនឹងបទល្បីរបស់នាងដូចជា Home for dinner, Mine, បល្ល័ង្ក និង Beautiful art ជាដើម។
៣. ចម្រៀងរបស់នាងធ្វើឲ្យអន្តជាតិស្គាល់ខ្មែរ
នាងផលិតនិងច្រៀងជាពីរ ភាសា ខ្មែរនិងអង់គ្លេសដែលនេះហើយជាហេតុផលដែលអាចឲ្យនាងមានអ្នកគាំទ្រជាជនបរទេសនិងបានផ្សព្វផ្សាយពីកម្ពុជាផងដែរ។ វីដេអូចម្រៀងទៀតសោតបានផលិតឡើងក្នុងគុណភាពមួយដែលទទួលស្គាល់ដោយស្តង់ដារក្រៅប្រទេស និងបានការសរសើរច្រើនពីអ្នកគាំទ្របរទេស។ នេះជាមោនភាពមួយរបស់ជាតិយើងដែលមានមនុស្សប្រកបដោយទេពកោសល្យ។
៤. នាងមានស្ទីល Fashion ក្នុងការតុបតែងខ្លួន
ការតែងខ្លួនរបស់នាងថ្វីបើមើលទៅមានទម្រង់របៀបបរទេស ប៉ុន្តែទាំងតួសម្ដែងនិងអត្ថន័យបង្កប់ក្នុងឈុតនិមួយៗសុទ្ធសឹងតែជាស្នាដៃកូនខ្មែរ។ ការស្លៀកពាក់Fashion គឺជាចំណីចក្ខុមួយដែលបង្ហាញពីភាពទាន់សម័យឲ្យស៊ីសង្វាក់គ្នានឹងភាពស៊ីវិល័យពិភពលោក។
៥.នាងស្មោះត្រង់នឹងក្រុមការងារ
នាងតែងតែឲ្យក្រេឌីតដល់អ្នកដែលរួមចំណែកក្នុងការផលិតជាមួយនាង។ ជារឿយៗនាងតែងតែចេញវីដេអូក្រៅឆាកដើម្បីថ្លែងអំណរគុណនិងរាយនាមអ្នកដែលពាក់ព័ន្ធក្នុងការផលិតវីដេអូទាំងមូលផងដែរ។