មិនចង់អាយុខ្លី អ្នកធ្វើការការិយាល័យត្រូវចោលទម្លាប់ទាំងនេះភ្លាម

2017-06-20 03:12:08
ចំនួនមតិ 0 | ចំនួនចែករំលែក 0

ទម្លាប់ជាប្រចាំទាំងនេះនឹងធ្វើឲ្យសុខភាពអ្នកចុះដុនដាបបើសិនជាអ្នកនៅតែបន្តប្រព្រឹត្តវាជាប្រចាំថ្ងៃ។

អង្គុយច្រើន ខ្ជិលធ្វើចលនា

អង្គុយច្រើន ខ្ជិលធ្វើចលនាធ្វើឲ្យចំនួនខ្លាញ់កាន់តែកើនឡើងពីមួយថ្ងៃទៅមួយថ្ងៃ។ នេះគឺជាមូលហេតុដែលបុគ្គលិកការិយាល័យច្រើនមានអត្រាកើតជំងឺទឹកនោមផ្អែម បេះដូង និងធាត់ជាងអ្នកធ្វើការងារដទៃ។

ធ្វើការបណ្ដើរ ញ៉ាំបណ្ដើរ

ទម្លាប់មួយទៀតរបស់ក្រុមបុគ្គលិកការិយាល័យនោះគឺ ញ៉ាំបណ្ដើរ ធ្វើការបណ្ដើរ។ តុធ្វើការប្រែក្លាយជាតុញ៉ាំអាហារ ពេលណានៅលើតុក៏មាននំចំណី។ ញ៉ាំបណ្ដើរ មើលកុំព្យូទ័រ លេងFacebook ផង ធ្វើឲ្យការរំលាយអាហារដើរមិនបានល្អ ក្រពះបញ្ចេញជាតិអាស៊ីដច្រើន។ អាស៊ីដវាយលុកក្រពះបណ្ដាលឲ្យរលាកក្រពះ។

ញៀនកាហ្វេអ៊ីន

កាហ្វេ ទឹកបន្ថែមថាមពល សុទ្ធតែជាភេសជ្ជៈដែលពោរពេញទៅដោយកាហ្វេអ៊ីនដែលអ្នកធ្វើការការិយាល័យនិយមចូលចិត្ត ព្រោះវាអាចជួយដាស់ស្មារតីឲ្យភ្លឺស្វាង ជ្រះស្រឡះ។ តែបើញៀនវាខ្វះមិនបាន នឹងមានបញ្ហាដល់សុខភាព។ កាហ្វេអ៊ីនធ្វើឲ្យអ្នកពិបាកគេង ញៀន មានអារម្មណ៍ព្រួយបារម្ភ តឹងតែង ឈឺក្បាល វិលមុខ និងបត់ជើងតូចច្រើនដងធ្វើឲ្យរាងកាយបាត់បង់ជាតិទឹក៕

ប្រភព៖ Phunutoday ប្រែសម្រួលៈ Caramel