បងស្រី Park Min Young លាលែងដំណែងអគ្គនាយកភ្លាម ក្រោយប្អូនស្រីបែកគ្នា
- 2022-10-05 02:25:00
- ចំនួនមតិ 0 | ចំនួនចែករំលែក 0
បងស្រី Park Min Young លាលែងដំណែងអគ្គនាយកភ្លាម ក្រោយប្អូនស្រីបែកគ្នា
បងស្រីរបស់តារាសម្ដែងស្រីជួរមុខកូរ៉េ Park Min Young បានលាលែងដំណែងពីក្រុមហ៊ុនរបស់អតីតមិត្តប្រុសប្អូនស្រីខ្លួនភ្លាមៗ ក្រោយពេលនាងចេញមុខថាបែកគ្នា។
កាលពីថ្ងៃទី ៣ ខែតុលាកន្លងទៅនេះ បណ្ដាញព័ត៌មាន Naver បានរាយការណ៍ថា Park Min Ah បងស្រីរបស់តារាសម្ដែងលំដាប់ A កូរ៉េ Park Min Young បានដាក់ពាក្យលាលែងពីតំណែងនាយកនៃក្រុមហ៊ុន INBIOGEN ដែលជាក្រុមហ៊ុនមួយរបស់លោក Kang Jong Hyun អតីតមិត្តប្រុសរបស់ Park Min Young។
ត្រូវបានទទួលតំណែងកាលពីខែមីនា ឆ្នាំនេះ បងស្រីរបស់តួរឿង What’s Wrong Secretary Kim ត្រូវបានគេសង្ស័យថា ជួយលាក់បាំងម្ចាស់ក្រុមហ៊ុនពិតប្រាកដដែលជា Kang Jong Hyun។ តាមនោះដែរ Park Min Ah បានដាក់ពាក្យលាលែងពីតំណែង នៅថ្ងៃទី ២៩ ខែកញ្ញា ដែលជាថ្ងៃ Park Min Young ប្រកាសលែងមានទំនាក់ទំនងស្នេហាជាមួយមិត្តប្រុសទៀត។
INBIOGEN គឺជាក្រុមហ៊ុនជំនាញខាងផលិតស្បែកជើង ដោយក្នុងចំណោមការប្រជុំថ្នាក់ដឹកនាំទាំង៧លើកពីខែមីនា ដល់ខែកញ្ញា បងស្រីរបស់ Park Min Young ចូលរួមប្រជុំតែម្ដងប៉ុណ្ណោះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
