អត់លុយបង់ថ្លៃពេទ្យ ឆក់ប្រពន្ធដល់ស្លាប់ ហើយប្រុងសម្លាប់ខ្លួនតាមក្រោយ
- 2022-09-27 03:20:00
- ចំនួនមតិ 0 | ចំនួនចែករំលែក 0
អត់លុយបង់ថ្លៃពេទ្យ ឆក់ប្រពន្ធដល់ស្លាប់ ហើយប្រុងសម្លាប់ខ្លួនតាមក្រោយ
ប្រពន្ធឈឺធ្ងន់ អត់មានលទ្ធភាពរកថវិការ ជាច្រើនលើកច្រើនសារបានសុំស្លាប់ តែបុរសមកពីវៀតណាមនៅតែព្យាយាមបន្តព្យាបាលរហូតដល់តែអស់សមត្ថភាព។
កាលពីថ្ងៃទី ២៦ ខែកញ្ញាកន្លងទៅនេះ បណ្ដាញព័ត៌មាន Vnexpress បានរាយការណ៍ថា បុរសម្នាក់អាយុ ៥៦ឆ្នាំ មកពីទីក្រុងហូជីមិញ ប្រទេសវៀតណាម ត្រូវបានតុលាការកាត់ក្ដីឲ្យជាប់ពន្ធគារ៧ឆ្នាំពីបទសម្លាប់មនុស្ស។
តាមនោះដែរ បុរសឈ្មោះ Huynh Quang Dat និងលោកស្រី Tran Thi Ngoc Uyen គឺជាប្ដីប្រពន្ធនឹងគ្នា។ ជាច្រើនឆ្នាំមកនេះ ភរិយារបស់លោក ឈឺសម្រាកនៅពេទ្យ លោកគឺជាអ្នកមើលថែ។ យ៉ាងណាក្ដី ដោយសារតែជីវភាពខ្វះខាត ប្រពន្ធរបស់លោក ជាច្រើនលើកច្រើនសារ បានប្រាប់ប្ដីរបស់ខ្លួនថា ឈប់បន្តមើលទៀតទៅ គឺលោកស្រីសុខចិត្តស្លាប់។
ដល់ថ្ងៃទី ៤ ខែវិច្ឆិកា ឆ្នាំ២០២១ បុរសជាប្ដីបានទិញខ្សែភ្លើងមកឆក់ប្រពន្ធ៤វិនាទី ហើយប្រពន្ធលោកក៏ស្លាប់ទៅ។ ក្រោយឃើញប្រពន្ធស្លាប់ លោកក៏រៀបយកខ្សែភ្លើង មកឆក់ខ្លួនឯង តែមិនទាន់បានសម្រេចក៏ត្រូវបានគ្រួសារអ្នកជំងឺផ្សេង ប្រទះឃើញហើយហៅគេមកជួយទាន់។
នៅតុលាការ លោកបានឲ្យដឹងថា ប្រពន្ធឈឺតាំងពីឆ្នាំ ២០០៧ ហើយលោកជាអ្នកមើលថែ។ ដោយឃើញពីតថភាពជាក់ស្ដែង តុលាការបានបន្ថយទោស ហើយកាត់ទោសឲ្យលោកជាប់ពន្ធគារ៧ឆ្នាំ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
