ឡាវហាមអ្នកកែភេទ ទៅប្រលងបវរកញ្ញាគ្រប់កម្មវិធី
- 2022-09-20 02:35:00
- ចំនួនមតិ 0 | ចំនួនចែករំលែក 0
ឡាវហាមអ្នកកែភេទ ទៅប្រលងបវរកញ្ញាគ្រប់កម្មវិធី
ប្រទេសឡាវហាមកម្មវិធីប្រលងបវរកញ្ញាទាំងអស់ ទទួលពាក្យពីអ្នកកែភេទ។ បុគ្គលដែលទៅប្រលងកម្មវិធីបវរកញ្ញាកែភេទនៅក្រៅប្រទេសក៏នឹងត្រូវពិន័យ។
កាលពីថ្ងៃទី ១៨ ខែកញ្ញាកន្លងទៅនេះ បណ្ដាញព័ត៌មាន Laotian Times បានរាយការណ៍ថា កម្មវិធីប្រលងបវរកញ្ញា Miss Fabulous Laos 2022 ត្រូវបានរំសាយចោលដោយសារអនុញ្ញាតឲ្យអ្នកកែភេទចូលរួម។
មុននោះដែរ ក្រសួងសិល្បៈឡាវ បានចេញដីការថា គ្មានកម្មវិធីប្រលងប្រកួតសម្រស់ណាទាំងអស់ ដែលអាចល្មើសវិន័យដែលក្រសួងដាក់ចេញមក ដោយនៅក្នុងនោះ រួមមានការហាមមិនឲ្យអ្នកកែភេទចូលប្រលង។
មិនត្រឹមតែហាមនៅក្នុងប្រទេសនោះទេ ប្រទេសនេះក៏ហាមបុគ្គលទាំងឡាយចូលរួមក្នុងកម្មវីធីប្រលងកម្មវិធីប្រលងបវរកញ្ញាកែភេទនៅក្រៅប្រទេសទៀតផង ដោយអ្នកណាហ៊ានទៅប្រលង ពេលត្រលប់មកវិញ នឹងត្រូវពិន័យ។
ការសម្រេចចិត្តរបស់ក្រសួងបានធ្វើឲ្យសមាគមន៍អ្នកគាំទ្រមនុស្សកែភេទខឹងជាខ្លាំង ដោយត្រឹមតែមួយយប់ មនុស្សរាប់ពាន់នាក់ បានប្ដូររូបតំណាងគណនីបណ្ដាញសង្គមរបស់ខ្លួនទៅជាទង់ឥន្ធនូដើម្បីសម្ដែងការមិនពេញចិត្តរបស់ខ្លួន ដោយពួកគេបានលើកឡើងថា ក្រសួងបានបិទសិទ្ធិរបស់អ្នកកែភេទ៕