Deng Lun បង្ហាញមុខស្រស់បស់ក្រោយរឿងអាស្រូវគេចពន្ធជាង ៤០លានដុល្លារ

2022-09-19 02:30:00
ចំនួនមតិ 0 | ចំនួនចែករំលែក 0

ទោះបីជាមិនអាចវិលត្រលប់ចូលសិល្បៈក៏ពិតមែន តែដោយសារចំណូលពីជំនួញក៏ច្រើននោះ ធ្វើឲ្យតារាសម្ដែងប្រុសជួរមុខចិន Deng Lun មានជីវិតរីករាយជាធម្មតា។

កាលពីថ្ងៃទី ១៥ ខែកញ្ញាកន្លងទៅនេះ បណ្ដាញព័ត៌មាន Sina បានរាយការណ៍ថា លើកទីមួយតារាសម្ដែងប្រុសលំដាប់ A ចិន Deng Lun បង្ហាញមុខជាផ្លូវការក្រោយរឿងអាស្រូវ គេចពន្ធត្រូវពិន័យ៤៧លានដុល្លារ។

បង្ហាញមុខនៅភោជនីយដ្ឋានស៊ុបរបស់ខ្លួន តួរឿង Yin Yang Master បានអនុញ្ញាតឲ្យអ្នកគាំទ្រថត និងបង្ហោះរូបភាពថ្មីបំផុតរបស់ខ្លួន។ ប្រភពខាងលើបានឲ្យដឹងថា ក្រោយរឿងអាស្រូវប៉ុន្មានខែ នៅពេលនេះ ប្រុសស្អាតអាយុ ២៩ឆ្នាំ បានត្រលប់មកជីវិតធម្មតាវិញហើយ។

ប្រភពដដែលបានឲ្យដឹងថា ក្រោយពេលបង់ពិន័យ ៤៧លានដុល្លារ តារាប្រុសកើតឆ្នាំ ១៩៩១ នៅតែមានជីវភាពធូរធារ ដោយសារសល់លុយពីមុនច្រើន គួបផ្សំនឹងជំនួញម្ហូបអាហាររបស់លោកកំពុងកាក់កបដូចគ្នា ដូចនេះ ទោះមិនអាចវិលត្រលប់ចូលសិល្បៈវិញ ក៏មិនចោទជាបញ្ហា ទើបលោកមានសភាពស្រស់បស់បែបនេះ៕