បង្ហើបមូលហេតុ Sandara មានទម្ងន់ត្រឹមតែ ៣៧គីឡូ

2022-08-03 02:44:00
ចំនួនមតិ 0 | ចំនួនចែករំលែក 0

កំពូលតារាចម្រៀងស្រីកូរ៉េ Sandara Park បានឲ្យដឹងថា នៅពេលខ្លួនកើតទុក្ខ នាងញ៉ាំបានត្រឹមតែចេកមួយផ្លែតែប៉ុណ្ណោះមួយថ្ងៃ ដែលធ្វើឲ្យនាងមិនអាចឡើងគីឡូបាន។

កាលពីថ្ងៃទី ៣១ ខែកក្កដាកន្លងទៅនេះ បណ្ដាញព័ត៌មាន Nate បានរាយការណ៍ថា តារាចម្រៀងស្រីជួរមុខកូរ៉េ Sandara Park បានមានវត្តមានក្នុងកម្មវិធី Secret Security។ វត្តមាននៅទីនេះ ស្រីស្អាតអាយុ ៣៧ឆ្នាំ បានបន្តចែករំលែកពីបញ្ហាទម្ងន់ខ្លួនប្រាណរបស់នាង។

តាមនោះដែរ នៅពេលដែលនាងធ្លាប់ឡើងគីឡូដល់ ៤៧នោះ អ្នកគ្រប់គ្រងរបស់នាងធ្លាប់យំ ហើយសួរថានាងអាចសម្រកគីឡូវិញបាន ឬអត់ដែល ធ្វើឲ្យនាងសម្រេចយកទម្ងន់ដូចបច្ចុបន្ននោះគឺ ៣៧គីឡូ។ ចាប់តាំងពីពេលនោះមក នាងលែងមានលទ្ធភាពឡើងទម្ងន់ទៀតហើយ។ សមាជិកក្រុម 2NE1 បានឲ្យដឹងថា ខុសពីអ្នកដទៃដែលពេលពិបាកចិត្ត នឹងរកអ្វីមកញ៉ាំដើម្បីរំសាយអារម្មណ៍នោះ គឺនាងញ៉ាំមិនចូលទាល់តែសោះ។ នៅចាំថាកាលពីបែកបាក់ស្នេហា នាងញ៉ាំអ្វីមិនចូលជិត១ខែ ដោយមួយថ្ងៃញ៉ាំតែចេកមួយផ្លែ។

នៅពេលពិបាកចិត្ត នាងនៅតែផ្ទះមើលទូរទស្សន៍ ពីព្រឹកដល់យប់ ហើយញ៉ាំចេកមួយផ្លែដូចគ្នា។ ខុសពីសមាជិករួមក្រុមដទៃ តារាកើតឆ្នាំ ១៩៨៤ បានបន្ថែមថា នាងមិនដែលសម្រកគីឡូនោះទេ រាល់ពេលក្រុមរបស់នាងចេញបទថ្មីម្ដងៗ ព្រោះនាងមិនឡើងគីឡូ៕

ប្រភព៖ news.zing.vn ប្រែសម្រួល៖ Caramel