ការយល់ច្រលំដ៏ធំរបស់មនុស្សស្រីក្នុងរឿងស្នេហា ដែលធ្វើឲ្យឈឺចាប់ម្នាក់ឯង
- 2022-06-24 07:45:00
- ចំនួនមតិ 0 | ចំនួនចែករំលែក 0
ការយល់ច្រលំដ៏ធំរបស់មនុស្សស្រីក្នុងរឿងស្នេហា ដែលធ្វើឲ្យឈឺចាប់ម្នាក់ឯង
មនុស្សស្រីជាច្រើន បានគិតខុសលើរឿងស្នេហា រហូតធ្វើឲ្យគេបែរជាត្រូវឈឺចាប់ទៅវិញ។ ម្ល៉ោះហើយ ខាងក្រោមនេះជាចំនុចមួយចំនួន ដែលនារីគួរដឹង ចៀសវាងការយល់ច្រលំទៀត។
១. ត្រូវតែមានពេលវេលាឲ្យគ្នាគ្រប់ពេល
វាពិតជារឿងកំប្លែងណាស់ ដែលគូជាច្រើននៅទាមទារពេលវេលានៅជាមួយគ្នាគ្រប់ពេលទៀត។ ក្នុងសម័យទំនើបនេះ គ្រប់គ្នាគួរយល់ថា នរណាក៏ត្រូវការពេលវេលាផ្ទាល់ខ្លួនដែរ សំខាន់កុំឲ្យតែភ្លេចគ្នារហូត។
២. ត្រូវប្រកាសឲ្យអ្នកលេងបណ្តាញសង្គមបានដឹង
សព្វថ្ងៃនេះ មនុស្សមួយចំនួនបានឲ្យតម្លៃលើបណ្តាញសង្គមយ៉ាងខ្លាំង មិនថាធ្វើអ្វី នៅទីណា ឬជួបនរណា គេចង់ឲ្យមានការផុសលើបណ្តាញសង្គមដើម្បីគ្រប់គ្នាបានដឹង។ ចំពោះរឿងស្នេហាក៏ដូចគ្នា អាចថាដំបូងនៅពេលផ្អែមល្ហែម គូស្នេហ៍ប្រាកដជាចង់បង្ហាញឲ្យគេឯងបានដឹង តែយ៉ាងណាក៏គួរមានដែនកំណត់ពេលផុសដែរ ព្រោះបើមិនអ៊ីចឹងពេលបែកគ្នា ក៏មិនល្អមើលទៅតាមនោះដែរ។ ម្យ៉ាងទៀត អ្នកក៏មិនគួរពេលស្រលាញ់ក៏ប្រាប់គេ ពេលបែកគ្នាក៏ប្រាប់គេដែរនោះទេ។
៣. មនុស្សប្រុសត្រូវតែមើលថែមនុស្សស្រី
រឿងស្នេហា មិនត្រូវចាំតែបុរសជាអ្នកមើលថែនារីរហូតទេ គួរតែមើលថែគ្នាទៅវិញទៅមក។
៤. ចងជើងមនុស្សប្រុសជាប់ ដោយការមានកូន
ក្នុងជីវិតពិត មិនគួរប្រដូចជីវិតទៅនឹងរឿងនិទាន ដោយការចងជើងមនុស្សប្រុសឲ្យជាប់ តាមរយៈការមានកូនឡើយ។ មនុស្សស្រីមួយចំនួន ពេលខ្លះ មិនទាន់រួចរាល់ធ្វើជាម្តាយគេទេ តែដើម្បីរក្សាចំណងស្នេហា នាងសុខចិត្តដើរលឿនមួយជំហាន ដោយខ្វះការទទួលខុសត្រូវ ដែលវាមានតែលំបាកសម្រាប់មនុស្សស្រីទៅវិញ។
៥. ស្នេហ៍ពិត គ្មានថ្ងៃកើតឡើង
មនុស្សដែលធ្លាប់ខូចចិត្តព្រោះរឿងស្នេហា តែងតែគិតថា ស្នេហាត្រូវបញ្ចប់នៅពេលនេះហើយ ដូច្នេះមានតែបិទទ្វារបេះដូង គ្មានថ្ងៃទទួលយកអ្នកថ្មីឡើយ ព្រោះរងការឈឺចាប់ពេក។ បើទោះជាស្នេហា រវាងមនុស្សប្រុសនិងមនុស្សស្រី អ្នកបរាជ័យនៅជំហានដំបូង ក៏មិនប្រាកដថា ស្នេហ៍ពិតនឹងមិនកើតឡើងដែរ។ ត្រឹម ក្តីស្រលាញ់របស់ឪពុកម្តាយចំពោះកូន នោះក៏ហៅថាស្នេហា ។ ចុះហេតុអ្វីបានជាអ្នកគិតថា ស្នេហាពិតមិនអាចកើតឡើងបាន?