Raymond Wong ស្ងាត់ៗចាកចោលប៉ុស្តិ៍ TVB
- 2022-06-22 03:30:00
- ចំនួនមតិ 0 | ចំនួនចែករំលែក 0
Raymond Wong ស្ងាត់ៗចាកចោលប៉ុស្តិ៍ TVB
ទោះបីជាបានលះបង់នៅក្រុមហ៊ុន TVB ជាច្រើនឆ្នាំហើយមែនពិត តែតារាសម្ដែងប្រុសជួរមុខហុងកុង Raymond Wong មិនដែលលើកបានតារាឆ្នើមឯកឡើយ ដែលត្រូវគេសង្ស័យជាមូលហេតុលោកចេញពីក្រុមហ៊ុន។
កាលពីថ្ងៃទី ២០ ខែមិថុនា កន្លងទៅនេះ បណ្ដាញព័ត៌មាន HK01 បានរាយការណ៍ថា តារាសម្ដែងប្រុសជួរមុខហុងកុង Raymond Wong បានមកជ្រកនៅផលិតកម្ម Sky Hiht Entertainment របស់តារាសម្ដែងប្រុស Louis Koo ។ សកម្មភាពនេះមានន័យថា ប្រុសស្អាតអាយុ ៤៦ឆ្នាំ បានកាត់ផ្ដាច់ទំនាក់ទំនងជាមួយ ប៉ុស្តិ៍ TVB ដាច់ស្រេចហើយ។
មុននោះដែរ ក្រោយឆ្នាំ ២០១១ រហូតដល់ឆ្នាំ ២០១៩ លោកគ្មានវណ្ណកម្មណថ្មីនៅប៉ុស្តិ៍ទូរទស្សន៍ខាងលើទាំងអស់។ ក្រោយឆ្នាំ ២០១៩ លោកលែងមានកុងត្រាជាមួយក្រុមហ៊ុន ដោយលោកចុះកុងត្រាតាមរឿង ហើយ TVB ក៏មិនមែនជាអ្នកគ្រប់គ្រងលោកទៀតដែរ។
រយៈពេលជិត២០ឆ្នាំ នៅប៉ុស្តិ៍ខាងលើ តួរឿង Can’t Buy Me Love ធ្លាប់ត្រូវបានជាប់ជាបេក្ខភាពតារាឆ្នើមឯក៣ដង តែមិនដែលលើកពានឡើយ គួបផ្សំនឹងត្រូវថតរឿងដល់ទៅ៥ ក្នុងមួយឆ្នាំត្រូវបានគេសន្និដ្ឋានថា ជាមូលហេតុលោកចង់ទៅផលិតកម្មផ្សេងដើម្បីមានពេលច្រើនជាង៕