ក្រុមហ៊ុន HYBE បាត់ជាង១ពាន់លានដុល្លារ ក្រោយ BTS ប្រកាសផ្តោតលើការងារទោលមួយរយៈ
- 2022-06-16 07:20:00
- ចំនួនមតិ 0 | ចំនួនចែករំលែក 0
ក្រុមហ៊ុន HYBE បាត់ជាង១ពាន់លានដុល្លារ ក្រោយ BTS ប្រកាសផ្តោតលើការងារទោលមួយរយៈ
ភាគហ៊ុននៃផលិតកម្មយក្ស HYBE បានធ្លាក់ទៅដល់ ២៧%ក្រោយ ព័ត៌មាន កំពូលក្រុមចម្រៀងប្រុសកូរ៉េ BTS នឹងផ្តោតលើការងារទោលមួយរយៈ។
កាលពីថ្ងៃទី ១៦ ខែមិថុនាកន្លងទៅនេះ បណ្ដាញព័ត៌មាន Dispatch បានរាយការណ៍ថា ក្រុមហ៊ុនកម្សាន្តខ្នាងយក្សកូរ៉េ HYBE បានប្រកាសនៅក្នុងអង្គប្រជុំថ្នាក់ដឹកនាំប្រចាំឆ្នាំរបស់ខ្លួនថា ក្រុមចម្រៀងប្រុស BTS របស់ខ្លួននឹងផ្ដោតលើសកម្មភាពរៀងៗខ្លួន។
ក្រោយពេលព័ត៌មាននេះត្រូវបានចុះផ្សាយ តម្លៃភាគហ៊ុនរបស់ក្រុមហ៊ុននេះ បានធ្លាក់ដល់បាតដោយបាត់បង់ដល់ទៅ ២៧% ធ្វើឲ្យក្រុមហ៊ុននេះ បាត់បង់លុយចំនួន ១.៦៤៤ពាន់លានដុល្លារ ក្នុងរយៈពេលតែមួយថ្ងៃ។ ទោះបីជាអ្នកជំនាញបានឲ្យដឹងថា តម្លៃភាគហ៊ុននឹងកើនឡើងវិញ នៅពេលពួកគេរួបរួមឡើងវិញ ប៉ុន្តែអ្នកជំនាញបានបន្ថែមថា សព្វថ្ងៃ HYBE កំពុងពឹងផ្អែកលើ BTS ខ្លាំងពេក ដោយរាល់សកម្មភាពរបស់ BTS អាចធ្វើឲ្យប៉ះពាល់ដល់ក្រុមហ៊ុនជាខ្លាំង ទោះបីជាក្រុមហ៊ុនមានក្រុមចម្រៀង និងតារាផ្សេងទៀតរាប់មិនអស់ក៏ដោយ៕