Li Bingbing មិនចង់រៀបការ មានកូន ទុកទ្រព្យជាង១០០លានដុល្លារ ឲ្យក្មួយទាំងអស់

2022-05-18 03:05:00
ចំនួនមតិ 0 | ចំនួនចែករំលែក 0

ក្រោយពេលបែកគ្នាជាមួយមិត្តប្រុសកាលពីឆ្នាំមុន កំពូលតារាសម្ដែងស្រីចិន Li Bingbing សម្រេចថានឹងមិនរៀបការ ហើយបង្កើតកូនឡើយ។

កាលពីថ្ងៃទី ១៧ ខែឧសភាមុននេះ បណ្ដាញព័ត៌មាន Sina បានចុះផ្សាយពីគម្រោងរៀបការរបស់ តារាសម្ដែងស្រីលំដាប់ A ចិន Fan Bingbing មុនពេលឈានចូលវ័យ៥០ឆ្នាំ។ ចែករំលែកពីរឿងបែកគ្នាជាមួយមិត្តប្រុសយូរឆ្នាំ ដែលជាអ្នកជំនួញ He Yun Nam។

និយាយពីរឿងគម្រោងគ្រួសារ តួរឿងពស់ស ពស់ខៀវបានឲ្យដឹងថា មិនប្រញាប់ប្រញាល់ឡើយ ទោះបីជាឆ្នាំក្រោយនាងឈានចូលវ័យ៥០ឆ្នាំហើយក៏ដោយ។

“អ្វីដែលខ្ញុំនិយាយនេះគឺជាការពិត មិនលេងសើចឡើយ។ ខ្ញុំមិនទាន់មាននិស្ស័យនឹងការរៀបការ។ ហើយបើរកអ្នកដែលសមស្របមិនបាន ខ្ញុំនឹងនៅម្នាក់ឯងបែបនេះមួយជីវិត” តារាអាយុ ៤៩ឆ្នាំឲ្យដឹង។

ប្រភពដដែលបានឲ្យដឹងថា ប្រឡូកសិល្បៈជិត ៣០ឆ្នាំមកនេះ តារាស្រីកើតឆ្នាំ ១៩៧៣ សល់ទ្រព្យជាង ១០០លានដុល្លារ។ នាងក៏បានឲ្យដឹងថា ខ្លួនបានសម្រេចចិត្តហើយថា ជីវិតនេះនឹងមិនរៀបការ ឬបង្កើតកូនឡើយ ដូចនេះហើយ ទ្រព្យទាំងនេះ នាងនឹងទុកឲ្យក្មួយទាំងពីររបស់នាង។ មួយរយៈចុងក្រោយ Li Bingbing កាត់បន្ថយការថតរឿង ដោយផ្ដោតលើការគ្រប់គ្រងផលិតកម្មរបស់ខ្លួនច្រើនជាង ដោយនៅពេលនេះ នាងកំពុងគ្រប់គ្រងកំពូលតារាសម្ដែងស្រី Zhao Liying៕