Raymond Lam រងការរិះគន់ខ្លាំងព្រោះចោលគម្រោងរឿង មុនថ្ងៃថត២ថ្ងៃ
- 2022-05-17 02:55:00
- ចំនួនមតិ 0 | ចំនួនចែករំលែក 0
Raymond Lam រងការរិះគន់ខ្លាំងព្រោះចោលគម្រោងរឿង មុនថ្ងៃថត២ថ្ងៃ
កំពូលតារាសម្ដែងប្រុសហុងកុង គឺជាតួឯកមួយក្នុងចំណោមតួឯកទាំងបីនៃខ្សែភាពយន្ត Money Face តែលោកបានសុំដកខ្លួនចេញ។
កាលពីថ្ងៃទី ១៥ ខែឧសភាមុននេះ បណ្ដាញព័ត៌មាន On បានរាយការណ៍ថា តារាសម្ដែងប្រុសលំដាប់ A ហុងកុង Raymond lam បានរងការរិះគន់ជាខ្លាំង ក្រោយពេលលោកសុំដកឈ្មោះខ្លួនឯងចេញពីគម្រោងភាពយន្ត Money Face មុនពេលរឿងថតត្រឹមតែ ២ថ្ងៃ។ ភ្លាមៗនោះ ក្រុមការងារបានតបវិញ ដោយលុបឈ្មោះលោកចេញពីអ្នកចូលរួមនៅលើគេហទំព័ររបស់ក្រុមហ៊ុន។
តំណាងរបស់ ប្រុសស្អាតអាយុ ៤២ឆ្នាំ ទទួលស្គាល់ថា តារារបស់ខ្លួនពិតជាដកឈ្មោះចេញពីគម្រោងខាងលើមែន ដោយសារតែជាប់គម្រោងនៅចិនដីគោក ហើយមិនអាចត្រលប់មកហុងកុងវិញទាន់ពេល ព្រោះច្បាប់ចត្តាឡីស័ករបស់សងខាង។
Money Face គឺជាគម្រោងរឿងធំរបស់ហុងកុង ដោយមានការចូលសម្ដែងពីកំពូលងតារាសម្ដែង Aaron Kwok និង Simon Yam។ ការដែល Raymond Lam ដកខ្លួនចេញភ្លាមៗបែបនេះ ធ្វើឲ្យរឿងត្រូវជ្រួលច្របល់ ព្រោះរកអ្នកជំនួសមិនទាន់៕