ចាប់ពីពាក់កណ្តាលខែឧសភានេះទៅ តើភ័ព្វសំណាងរបស់អ្នកប្រែជាបែបណា?

  • 2022-05-13 03:25:00
  • ចំនួនមតិ 0 | ចំនួនចែករំលែក 0

សាក​រើស​កាត​មួយ​ដើម្បី​ដឹង​ពី​សំណាង​របស់​អ្នក​ចាប់​ពី​ពាក់​កណ្តាល​ខែឧសភា​នេះ​ទៅ​។

កាត A

​គេ​អាច​មើល​ឃើញ​ថា រាសី​របស់​អ្នក​ក្នុង​ខែឧសភា​នេះ ​មាន​ភាព​ចម្រុង​ចម្រើន​បន្តិច។ ​ប្រសិន​បើ​អ្នក​ចេះពី​របៀប​ចាប់​ឱកាស ​នោះ​សំណាង​របស់​អ្នក​នឹង​កើត​ឡើង​ញឹក​ញាប់។ ​ពិត​ណាស់ អ្នក​ជា​មនុស្ស​ប្រឹង​ប្រែង​ធ្វើការ សកម្ម តស៊ូ ដែល​ជាហេតុ​ធ្វើ​ឲ្យ​សក្តានុពល​របស់​អ្នក​​រឹង​មាំ​បំ​ផុត។ ​ក្នុង​ពេល​ដ៏​ខ្លី​នេះ ​អ្នក​​គួរ​តែ​​ប្រឹង​ប្រែង​ឲ្យ​អស់​ពី​សមត្ថភាព ​ដើម្បី​សម្រេច​ក្តីប្រាថ្នា​ ព្រម​ទាំង​រៀប​ចំ​គម្រោង ​ឲ្យ​បាន​ម៉ត់​ចត់​។​

កាត B

អ្នក​នឹង​ទទួល​បាន​ប្រាក់​ចំណូល​បន្ថែម​នៅ​ក្នុង​ខែឧសភា​នេះ។ ​ទេវតា​បាន​កត់​ចំណាំ​ពី​ការ​ខំប្រឹង​ឥត​ឈប់​ឈរ​របស់​អ្នក ដែល​ជាហេតុ​ធ្វើ​ឲ្យ​អ្នក​ទទួល​បាន​សមិទ្ធិផល​ខ្ពស់​នៅ​កន្លែង​ធ្វើការ ព្រម​ទាំង​ទទួល​បាន​ប្រាក់​ចំណូល​យ៉ាង​ច្រើន​ក្រាស់​ក្រែល រួម​ទាំង​ប្រាក់​លើក​ទឹក​ចិត្ត​ទៀត។ ​បន្តិច​ទៀត ជីវិត​អ្នក​នឹង​រុង​រឿង​មិន​ខាន។

កាត C

​កាត​នេះ​បង្ហាញ​ថា ​អ្នក​ជា​មនុស្ស​​ពូកែ​ខាង​ផ្នែក​ទំនាក់ទំនង ជាមួយមិត្តភក្កិជា​ច្រើន។ ​ទោះ​បីជា​អ្នក​ប្រឈម​នឹង​បញ្ហា​ច្រើន​ក៏​ដោយ ​ក៏​អ្នក​នៅ​តែ​រក្សា​បាន​នូវ​សន្តិភាព​ផ្លូវ​ចិត្ត​សម្រាប់​ខ្លួន​​ឯង​ដែរ។ ​ចូល​ដល់​​ខែឧសភានេះ ​អ្នក​នឹង​​រក​ឃើញទិស​ដៅ​ថ្មី​នៅ​កន្លែង​ការងារ។ ​ឱកាស​ដែល​អ្នក​ទទួល​បាន គឺ​ការងារ​ថ្មី ឬ​ប្រាក់​រង្វាន់​ពិសេស​ពី​ការងារ។ ​គួរ​តែ​អរគុណ​ដល់​មនុស្ស​ជា​ទី​ស្រលាញ់​របស់​អ្នក​ជា​ច្រើន​ដែល​បាន​ជម្រុញ​លើ​កទឹក​ចិត្ត ព្រម​ទាំង​គាំ​ទ្រ​ដល់​អ្នក ដែល​ជា​ហេតុ​​ធ្វើ​ឲ្យ​អ្នក​ទទួល​បានភាពជោគជ័យ​លើស​ពី​ការ​រំពឹង​ទុក។

កាត D

សម្រាប់​អ្នក​ដែល​រើស​កាត​នេះ បង្ហាញ​ថា ​ក្នុង​ខែឧសភា ភ័ព្វសំណាង​របស់​អ្នក​ពិត​ជា​ខ្ពស់​ណាស់។ ​ទោះ​បី​កាល​ពី​មុន មាន​​​រឿង​ច្រើន​យ៉ាង​ណា ​ប្រាក់​ក្នុង​ហោប៉ៅ​អ្នក​មាន​​កំណត់​យ៉ាង​ណា ​ក៏​អ្នក​នៅ​តែ​ប្រឹង​ប្រែង។ ​អ្នក​ខំ​ប្រឹង​រក​លុយ​ឲ្យ​បាន​ច្រើន ​គ្រប់​ច្រក​ល្ហក។ ​​មួយ​វិញ​ទៀត អ្នក​​មាន​របៀប​ចាយ​វាយ​តាម​គម្រោង ដើម្បី​ចៀស​វាង​ការ​ហ៊ឺហារ​ឥត​ប្រយោជន៍ និង​ចំណាយ​ខ្ជះខ្ជាយ។

ប្រភព៖ emdep ប្រែ​សម្រួល៖ លឹម សុនា

អត្ថបទពេញនិយម