Fan Bingbing ព្យាយាមសម្រុកចូលសិល្បៈឲ្យខ្លាំង ទាន់មានឱកាស

2022-05-12 03:35:00
ចំនួនមតិ 0 | ចំនួនចែករំលែក 0

តារាសម្ដែងស្រីល្បីឈ្មោះចិនឲ្យដឹងថា ខ្លួនជាសសរទ្រូងនៃគ្រួសារ ដូចនេះនាងត្រូវតែខំប្រឹងដើម្បីឪពុកម្ដាយ។ កាលពីថ្ងៃទី ១០ ខែឧសភាកន្លងទៅនេះ បណ្ដាញព័ត៌មាន Sina បានរាយការណ៍ថា តារាសម្ដែងស្រីជួរមុខចិន Fan Bingbing បានបញ្ចប់ការធ្ចើចត្តាឡីស័ក ហើយត្រលប់មកដល់ប្រទេសចិនវិញ ក្រោយពេលទៅថតរឿងនៅប្រទេសកូរ៉េចំនួន៤ខែ។

នៅក្នុងឱកាសទិវាអ្នកម្ដាយ ស្រីស្អាតអាយុ ៤០ឆ្នាំ បានបង្ហោះកម្រងរូបថ្មីជាមួយម្ដាយខ្លួន ដើម្បីជូនពរអ្នកមានគុណរបស់នាង។ នៅក្នុងនោះដែរ តួរឿងមហិច្ឆិតាអ៊ូម៉ីនាង បានរៀបរាប់ថា សព្វថ្ងៃខ្លួនគឺជាអ្នករ៉ាប់រងគ្រួសារ ជាអ្នករកលុយចម្បងក្នុងគ្រួសារ។ តាមនោះដែរ ទោះបីជាឪពុកម្ដាយនៅមានសុខភាពល្អ និងមានចំណូលផ្ទាល់ខ្លួន តែនាងចង់ផ្ដល់ជីវិតរស់នៅដែលស្រណុកឲ្យអ្នកមានគុណទាំងពីរ។

អាស្រ័យហេតុនេះហើយ ប្រភពខាងលើបានឲ្យដឹងថា តារាកើតឆ្នាំ ១៩៨១ ព្យាយាមតោងទាមក្នុងពិភពសិល្បៈ ទោះជាត្រូវទៅស្រុកក្រៅថតរឿងក៏បាន ព្រោះនៅក្នុងប្រទេសត្រូវក្រសួងហាមមិនឲ្យមានសកម្មភាពសិល្បៈ។ ធ្លាប់តែរកបានចំណូលរាប់សិប ទៅរាប់រយលានដុល្លារ តែពេលនេះ Fan Bingbing ត្រូវពឹងផ្អែកលើការលក់ផលិតផលថែសម្រស់ដែលជាប្រេនរបស់ខ្លួនឯងព្រោះគ្មានការងារក្នុងសិល្បៈ៕