ភ្ញាក់ផ្អើលមិនខាន! ស្របៀរអាចជួយសម្រស់ស្បែកអ្នកឲ្យពណ៍ស៊ីជម្ពូ និងបំបាត់ស្នាមខ្មៅបាន

2022-05-09 07:35:00
ចំនួនមតិ 0 | ចំនួនចែករំលែក 0

ស្របៀរ ក្រៅពីផឹកស្រវឹង បំបាត់ស្រ្តេស វាក៏ត្រូវបានគេស្រាវជ្រាវឃើញថា មានគុណប្រយោជន៍បន្ថែមលើផ្នែកសម្រស់ផងដែរ។ នេះពិតជាគួរឲ្យភ្ញាក់ផ្អើលណាស់ ប្រសិនបើអ្នកផឹកក្នុងបរិមាណសមស្រប នោះអ្នកនឹងទទួលបានគុណប្រយោជន៍យ៉ាងច្រើនលើសលុប។

១. សម្អាត ជម្រុះកោសិការងាប់ៗចោល

ស្រូវសាឡីដែលជាគ្រឿងផ្សំក្នុងស្រាបៀរ មានប្រសិទ្ធិភាពជួយសម្អាតស្បែក ជម្រុះកោសិការងាប់ៗ និងគ្រប់គ្រងបរិមាណសារធាតុខ្លាញ់ក្នុងស្បែកបានយ៉ាងមានប្រសិទ្ធិភាព។ លើសពីនេះ ក៏ជួយបង្រួមរន្ធញើស ការពារការឡើងមុននិងជួយបន្តឹងស្បែកមុខបានទៀតផង។

២. ជួយបង្កើនសំណើមដល់ស្បែក

ប្រជាជនអេស៊ីបបុរាណ បានយកស្រាបៀរសម្រាប់មុជ ព្រោះគេយល់ថាជួយផ្តល់សំណើមដល់ស្បែកនៅពេលមានអាកាសធាតុក្តៅ។ ក្រៅពីនេះ គេក៏ផឹកស្រាបៀររាល់ថ្ងៃដែរ ដើម្បីកម្ចាត់ជាតិពុលចេញពីស្បែក ធ្វើឲ្យស្បែកមានសុខភាពល្អ ពណ៍ស៊ីជម្ពូ។

៣. ធ្វើឲ្យស្បែកទន់រលោង និងភ្លឺថ្លា

ស្រាបៀរផ្ទុកនូវបរិមាណសារធាតុប្រឆាំងអុកស៊ីតកម្មដែលជួយការពារទប់ស្កាត់ភាពចាស់របស់ស្បែក ជួយធ្វើឲ្យមុខស្រស់ថ្លាផងដែរ។ លើសពីនេះវាផ្ទុកដោយវីតាមីន B ប្រូតេអ៊ីន ដែលជាជីវជាតិទប់ស្កាត់ភាពខ្មៅស្រអាប់ និងស្បែកឆាប់ចាស់មុនអាយុ។

៤. ធ្វើឲ្យ pHស្បែកមានតុល្យភាព

វិធីសាស្រ្តនេះជួយ pH ស្បែកបានយ៉ាងមានប្រសិទ្ធិភាព។ អ្នកគ្រាន់តែរៀបចំដោយយកស្រាបៀរ 30 ml ដំឡូងបារាំងស្ញោរ 60g រួចលាយសារធាតុទាំងពីរចូលគ្នាឲ្យសព្វជាល្បាយមួយ។ បន្ទាប់មក លាបលើមុខទុកចោលប្រមាណ 20នាទី។ ពេលម៉ាសនេះស្ងួត លាងជម្រះចេញជាមួយទឹកត្រជាក់ ហើយបើអ្នកអនុវត្តបែបនេះទៀងទាត់ នោះស្បែកមុខរបស់អ្នកនឹងកាត់បន្ថយជាតិខ្លាញ់បានច្រើន ព្រមទាំងមុខពេញដោយសំណើម៕

ប្រភព៖ Phunutoday ប្រែសម្រួល៖ លឹម សុនា