បន្លែ ផ្លែឈើ៥មុខ ផ្ទុកជាតិខូឡាជែនច្រើនមិនធម្មតា ជួយចិញ្ចឹមស្បែកឲ្យភ្លឺថ្លាពីខាងក្នុង

  • 2022-04-30 23:14:00
  • ចំនួនមតិ 0 | ចំនួនចែករំលែក 0

នៅ​ពេល​និយាយ​​ពី​ខូ​ឡា​ជែន ​មនុស្ស​គ្រប់​គ្នា​ប្រាកដ​ជា​គិត​ទៅ​ដល់​​សារធាតុ​ដែល​ជួយ​ដល់​ស្បែក​ឲ្យ​ភ្លឺ​ថ្លា ​ស្អាត ​និង​ក្មេង​ជាង​វ័យ​មិន​ខាន។ ​តាម​ពិត​ខូ​ឡា​ជែន​មិន​មែន​មាន​តែ​ក្នុង​ថ្នាំ​ដែល​គេ​លក់​តាម​អន​ឡាញ​ទេ ​នៅ​ក្នុង​ផ្លែ​ឈើ ​និង​បន្លែ​ក៏​មាន​ដែរ ព្រម​ទាំង​ងាយ​ស្រួល​ទិញ​ថែម​ទៀត​ផង។ ​ក្នុង​​នោះ​មាន​ដូច​ជា៖

១. ​សណ្តែក​ខៀវ​

​ជា​ទូ​ទៅ ​​សណ្តែក​​ខៀវ​ផ្តល់​​វីតាមីន​ដល់​រាង​កាយ ចំនួន ៣៧​% , ​Fiber ១៥ % ​និង​ ​ផូ​ស្វាត ៨ % ។ ​កាន់​តែ​សំខាន់​នោះ ​វា​ជួយ​ចិញ្ចឹម​ដល់​កោសិកា​ស្បែក ​ព្រម​ទាំង​សម្បូរ​ដោយ​ជីវជាតិ​ខ្ពស់​ក្នុង​ការ​ទ្រ​ទ្រង់​រាង​កាយ។

២. ​ម្ទេស​ហា​វៃ

​រវាង​ម្ទេស​ហា​វែ​ពណ៍​ក្រហម ​លឿង ​និង​បៃ​តង ​ទាំង​៣​នេះ​សុទ្ធ​តែ​មាន​គុណ​ប្រយោជន៍​ខុស​គ្នា។ ​ចំពោះ​ម្ទេស​ហា​វៃ​ពណ៍​ក្រហម ​និង​លឿង​ផ្ទុក​វីតាមីន C ​​ព្រម​ទាំង Beta caroteneច្រើន​ជាង ​ពណ៍​បៃ​តង ។ ​ចំណែក​ម្ទេស​ហា​វៃ​ពណ៍​បៃ​តង​វិញ ​ផ្ទុក​វីតាមីន A ​​ក្នុង​ការ​ជួយ​រក្សា​ស្បែក​​ឲ្យ​រឹង​មាំ ​ព្រម​ទាំង​ភ្នាស​សរីរាង្គ​ឲ្យ​រឹង​មាំ​ផង​ដែរ។

៣. ​​ម្រះ

ថ្វី​ដ្បិត​តែ​វា​មាន​រស​ជាតិ​ល្វី​ង​​ក៏​ពិត​មែន ​តែ​​ម្រះ​សម្បូរ​ដោយ​វី​តាមីន C ​ច្រើន​ជាង​បន្លែ​ដ​ទៃ​។ ​ក្រៅ​ពី​នេះ ​វា​ក៏​ផ្ទុក​ជាតិ Fiber ​និង ​ Lutein ​​ដែល​ជា​​សារ​ធាតុ​ប្រឆាំង​អុក​ស៊ីត​កម្ម ​ក្នុង​ក្រុម carotenoids ​​ផង​ដែរ។ ​​​ម្រះ​​ក៏​ជួយ​ការ​ពារ​ការ​បំ​ផ្លាញ​កោសិកា​ពី​រ៉ាឌីកាល់​សេរី ​ដែល​បណ្តាល​មក​ពី​​ថាម​ពល​មេ​តា​បូ​លី​សឹម​ក្នុង​រាង​កាយ ​ដែល​វា​ជា​មុខ​ងារ​សំខាន់​ក្នុង​ការ​ក្សា​​ជួយ​កែវ​ភ្នែក​ឲ្យ​ភ្លឺ​ថ្លា​ល្អ​។

៤. ​ផ្លែ​ត្របែក

​​ផ្លែ​ឈើ​មួយ​មុខ​នេះ ​សម្បូរ​ដោយ​វីតាមីន C ​ច្រើន​ជាង​៦​ដង​នៅ​ក្នុង​ផ្លែ​ក្រូច និង​១៨​ដង ​ច្រើន​​ជាង​នៅ​ក្នុង​ផ្លែ​ម្នាស់។ ​បន្ថែម​​ពី​នេះ ​​វា​ត្រូវ​បាន​គេ​វិភាគ​ឃើញ​ថា​មាន​បរិមាណ​​ជីវជាតិ​យ៉ាង​​ច្រើន​ក្នុង​ផ្លែ​ត្រ​បែក ​ពិសេស​ពី​សារធាតុ​ប្រឆាំង​អុក​ស៊ី​ត​កម្ម​ដ៏​លើស​លប់​ច្រើន​ជាង​ផ្លែ​ឈើ​ផ្សេង​ៗ។ ​តែ​ដើម្បី​ទទួល​បាន​​វីតាមីន​ពេញ​បរិបូរណ៍​​ពី​ផ្លែ​ត្របែក ​អ្នក​គួរ​ពិសារ​ទាំង​សម្បក​ទើប​ល្អ​។

៥. ​​ផ្លែ​គូ​លែន

​ផ្លែ​ឈើ​រស​ជាតិ​ផ្អែម​មួយ​នេះ ​ក៏​សម្បូរ​ដោយ​វីតាមីន C ​​រួម​ទាំង​សារធាតុ​ប្រឆាំង​អុក​ស៊ីត​កម្ម​​ផង​ដែរ។ ​យ៉ាង​ណា​ក៏​ដោយ ​ដោយសារ​ផ្លែ​ឈើ​នេះ​ផ្ទុក​ជាតិ​ស្ករ​ច្រើន ​ដូច្នេះ​អ្នក​មិន​ត្រូវ​ទទួល​ទាន​ច្រើន​ពេក​ទេ​ក្នុង​មួយ​ថ្ងៃ​។

ប្រភព៖ Sanook ប្រែ​សម្រួល៖ Iv Madalen

អត្ថបទពេញនិយម