V រងការរិះគន់ក្រោយបង្ហុយផ្សែងបារី លើកម្រាលព្រំក្រហមកម្មវិធី Grammy
- 2022-04-05 02:45:00
- ចំនួនមតិ 0 | ចំនួនចែករំលែក 0
V រងការរិះគន់ក្រោយបង្ហុយផ្សែងបារី លើកម្រាលព្រំក្រហមកម្មវិធី Grammy
អ្វីដែលគួរឲ្យចាប់អារម្មណ៍នោះគឺ នេះមិនមែនជាលើកទីមួយឡើយដែលគេប្រទះឃើញកំពូលតារាចម្រៀងប្រុសកូរ៉េ V ជក់បារី។
កាលពីថ្ងៃទី ៤ ខែមេសាកន្លងទៅនេះ បណ្ដាញព័ត៌មាន Naver បានរាយការណ៍ថា កំពូលក្រុមចម្រៀងប្រុសកូរ៉េ បានមានវត្តមាននៅទីក្រុង Las Vegas សហរដ្ឋអាមេរិក ដើម្បីចូលរួមក្នុងកម្មវិធីប្រគល់ពានរង្វាន់ដ៏ធំ Grammy 2022។ រាល់សកម្មភាពរបស់តារាមកពីផលិតកម្ម HYPE គឺមិនអាចរំលងពីក្រសែភ្នែករបស់អ្នកកាសែត និងអ្នកគាំទ្រឡើយ។
យ៉ាងណាក្ដី ទង្វើមួយរបស់ម្ចាស់បទ Butter បានរងភាពចម្រូងចម្រាស់ជាទម្ងន់ ដោយនៅលើកម្រាលព្រំក្រហមក្រោយកម្មវិធី ប្រុសស្អាតអាយុ ២៦ឆ្នាំ បានឈរបង្ហុយផ្សែងបារីយ៉ាងឆ្ងាញ់។ តាមនោះដែរ ក្នុងនាមជាកំពូលតារាល្បីឈ្មោះពិភពលោក ដែលត្រូវបានគេយកជាគំរូនោះ សកម្មភាពមួយនេះរបស់ V ត្រូវបានគេវាយតម្លៃថា មិនសមរម្យឡើយ។
គួរបញ្ចាក់ផងដែរ កាលពីបីឆ្នាំមុន ពេលអាយុ ២៣ឆ្នាំ គេក៏ធ្លាប់ប្រទះឃើញ តារាកើតឆ្នាំ ១៩៩៥ ជក់បារីម្ដងរួចមកហើយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
