តើអ្នកជាមនុស្សចាយលុយខ្ជះខ្ជាយឬទេ?

  • 2022-04-04 03:45:00
  • ចំនួនមតិ 0 | ចំនួនចែករំលែក 0

រើសកាបូបមួយដែលអ្នកស្រលាញ់ ដើម្បីទទួលបានចម្លើយពិត។

កាបូប A

​អ្នក​តែង​តែ​បារម្ភ​ច្រើន ​ពេល​ខ្លះ​ទុទិដ្ឋិនិយម ចូលចិត្ត​រស់​នៅ​ក្នុង​ស្ថានភាព​នៃ​ការរំពឹង​ទុក ពិសេស​ពេល​ជួប​បញ្ហា​ហិរញ្ញវត្ថុ។ ទោះ​បី​ជា​មាន​លុយ​ច្រើន​ក៏​ដោយ ​អ្នក​មិន​ទាន់​ហ៊ាន​ចំណាយ​ដោយ​សេរីនោះ​ទេ ​ព្រោះ​ក្នុង​ខួរ​ក្បាល​របស់​អ្នក​តែង​ចង​ចាំ​ថា "​ត្រូវ​សន្សំ​លុយ​" សន្សំ​ទុក​នៅពេល​​​មាន​បញ្ហា​ណា​មួយ​កើត​ឡើង។ ​សម្រាប់​អ្នក ​ជា​មនុស្ស​ដែល​មាន​ការ​ប្រុង​ប្រយ័ត្ន ​ទុក​ដាក់ ​តែ​ក៏​ស៊ាំ​ញ៉ាំ​បន្តិច​ដែរ ​ពិសេស​ចូលចិត្ត​រស់​នៅ​បែប​សន្សំ​សំចៃ ​មុន​ចំណាយ​​អ្វី​គិត​វែង​ឆ្ងាយ ​និង​ស្ទាក់​ស្ទើរ​ច្រើន។

​កាបូប B

​អ្នក​ជា​មនុស្ស​មាន​ការ​ប្រុង​ប្រយ័ត្ន​ខ្ពស់ ​មាន​ចក្ខុវិស័យ ​តែង​តែ​មាន​ហេតុ​ផល​​រាល់​ចំណាយ​ម្តង​ៗ។ ​អ្នក​ជា​មនុស្ស​ពូកែ​ខាង​រៀប​ចំគម្រោង​លុយ​កាក់ ​គណនា និង​កំណត់​បរិមាណ​លុយ​ត្រូវ​ចាយ​វាយ ​និង​​ត្រៀម​​នៅពេល​មាន​បញ្ហា​ចាំបាច់​ណាមួយ។

​កាបូប C

​អ្នក​ជា​មនុស្ស​មាន​គំនិត​សុទិដ្ឋិនិយម​ខ្លាំង ​ពេល​ខ្លះ​​អ្នក​​ជា​​មនុស្ស​ដែល​ងាយ​នឹង​ចំណាយ​លុយ​ណាស់។ ​តាមពិត អ្នក​មិន​មែន​ជា​មនុស្ស​ចាយ​ខ្ជះខ្ជាយ​ទេ ​ព្រោះ​​អ្វី​ដែល​អ្នក​ចំណាយ​មិន​មែន​សម្រាប់​តែ​ខ្លួន​ឯង​ឡើយ ​តែ​សម្រាប់​គ្រួសារ​ផង​ដែរ ដើម្បី​ខ្លួន​ឯង​បាន​សប្បាយ​ចិត្ត​ផង ​ដើម្បី​អ្នក​ផ្ទះ​រីក​រាយ​ផង។ ​អ្នក​​ប្រឹង​ប្រែង​ធ្វើការ​ដើម្បី​រក​ប្រាក់ ​តែ​ហាក់​មិន​ទាន់​ចេះ​សន្សំ។ ជួន​កាល​ អ្នក​គិត​ថា​​ពេល​អស់​ខែ​នេះ ​ខែ​ក្រោយ​ចាំ​សន្សំ​ក៏​បាន ​តែ​ភាព​រីក​រាយ​បើ​បាត់​ហើយ ​មិន​ងាយ​ត្រលប់​មក​វិញ​ទេ។ ​យ៉ាង​ណា​ក្តី ​​ជួន​កាល​អ្នក​ចេះ​គិត​ល្អិត​ល្អន់ ​តែ​ពេល​ខ្លះ ពិបាក​ហាម​ខ្លួន​ឯង តែ​ក៏​មិន​ដល់​ថ្នាក់​ផុង​ចូល​រណ្តៅ​បំណុល​ដែរ។ ​

កាបូប D

អ្នក​បាត់​បង់​ម្ចាស់​ការ​នៅ​ពេល​ស្រលាញ់​របស់​អ្វី​មួយ ជាហេតុ​ធ្វើ​ឲ្យ​ពេល​ខ្លះ​អ្នក​ត្រូវ​ចំណាយ​លុយ​ច្រើន​ខ្លាំង។ ​​ពិសេ​ស​ ពេល​បើក​ប្រាក់​ខែ ​អ្នក​តែង​តម្រង់​ទៅ​ហាង​ទំនិញ ឬ​កន្លែង​ញ៉ាំ​អី។ ​ជា​លទ្ធផល​ ពេល​ខ្លះ ​អ្នក​ត្រូវ​ដាច់​លុយ​មុន​កំណត់​ជា​រឿយ​ៗ។​​

ប្រភព៖ ngoisao ប្រែ​សម្រួល៖ លឹម សុនា

អត្ថបទពេញនិយម
អត្ថបទថ្មី