ក្តីស្រមៃរបស់អ្នកសម្រេចបានឬអត់ ក្នុងរយៈពេល៦០ថ្ងៃទៀត សាករើសកាតមួយ

2022-04-04 02:40:00
ចំនួនមតិ 0 | ចំនួនចែករំលែក 0

ចង់ដឹងថា តើ៦០ថ្ងៃទៀត ក្តីស្រមៃរបស់អ្នកនឹងសម្រេចឬអត់?

រូបទី១

កាតនេះបង្ហាញថា ក្នុងរយៈពេល៦០ថ្ងៃទៀត ក្តីស្រមៃរបស់អ្នកហាក់មិនសម្រេចបានពេញលេញនោះទេ។ អ្នកជាប្រភេទមនុស្សមិនសូវមានការអត់ធ្មត់ខ្ពស់ ហើយតែងតែចង់បានអ្វីមួយទាន់ហន់ក្នុងរយៈពេលខ្លី ហើយបើមិនឃើញពីលទ្ធផលភ្លាមៗទេ អ្នកងាយនឹងបោះបង់បំផុត។ នេះគឺជាហេតុផលមួយ ដែលធ្វើឲ្យអ្នកបរាជ័យ។ ម្យ៉ាងទៀត សំណាងរបស់អ្នកក្នុងរយៈពេល៦០ថ្ងៃទៀត ហាក់មានកម្រិតមធ្យម។ រាល់ពេលដែលអ្នកចង់ធ្វើអ្វីមួយ តែងតែមានរឿងរ៉ាវរារាំងហួសពីការរំពឹងទុកដែលចូលមករំខានគម្រោងរបស់អ្នក។ លើសពីនេះ អ្នកទំនងជាត្រូវខាតបង់លុយកាក់ទៀតផង ដូច្នេះហើយត្រូវចេះប្រុងប្រយ័ត្នឲ្យមែនទែន។ បន្ថែមពីនេះ អ្នកគួរតែបង្កើតបទបញ្ញតិ្តសម្រាប់ខ្លួនឯង ប្រសិនបើអ្នកពិតជាត្រូវការលុយបន្ទាន់។

រូបទី២

កាតនេះបង្ហាញថា ក្នុងរយៈពេល៦០ថ្ងៃទៀត បើអ្នកឈប់ក្បាលរឹង មានៈរឹងរូស នោះគ្រប់យ៉ាងដែលអ្នកចង់បាន ពិតជាអាចក្លាយជាការពិតមិនខាន។ បន្ថែមពីនេះ អ្នកក៏ត្រូវមានភាពច្បាស់លាស់ និងមានហេតុផលផងដែរ។ កុំបណ្តោយឲ្យអារម្មណ៍ដឹកមុខ ព្រោះពេលខ្លះការមិនចេះពន្យល់មូលហេតុច្បាស់លាស់តាមសម្រួល នឹងធ្វើឲ្យរឿងរ៉ាវកាន់តែអាក្រក់មិនខាន។

រូបទី៣

ក្នុងរយៈពេល៦០ថ្ងៃទៀត ក្តីស្រមៃរបស់អ្នកបានក្លាយជាការពិតឬអត់ គឺអាស្រ័យលើអ្នក។ ហេតុដែលនិយាយបែបនេះ ដោយសារសំណាងនាពេលអនាគតរបស់អ្នក ពិតជាល្អខ្លាំង។ គ្រប់យ៉ាងដែលអ្នកធ្វើ ពិតជាប្រព្រឹត្តិទៅបានយ៉ាងរលូន ដោយគ្មានឧបសគ្គ។ ប្រសិនបើអ្នកខិតខំស្វែងរក និងសកម្ម នោះអ្នកទំនងជាមានឱកាសល្អដើម្បីរកលុយបានច្រើន។ អ្នកកាន់តែខំប្រឹងធ្វើការ លទ្ធផលការងាររបស់អ្នកនឹងចេញមកដូចអ្វីដែលអ្នករំពឹងចង់បានមិនខាន។ ផ្ទុយទៅវិញ បើអ្នកខ្ជិលច្រអូស កុំថាឡើយក្តីស្រមៃ សូម្បី រឿងកើតឡើងចំពោះមុខ ក៏អ្នកឈោងចាប់មិនបានដែរ។

រូបទី៤

កាតនេះបង្ហាញថា ក្នុងរយៈពេល៦០ថ្ងៃទៀត ជីវិតអ្នកហាក់មានពន្លឺយ៉ាងត្រចះត្រចង់។ រឿងដែលអ្នកចង់បាន នឹងអាចក្លាយជាការពិតបាន។ អ្នកមានសំណាងខ្លាំងណាស់ មិនត្រឹមរឿងគ្រប់យ៉ាងប្រព្រឹត្តិទៅយ៉ាងរលូននោះទេ សូម្បីតែរឿងលំបាកៗក៏ប្រែជាល្អវិញដែរ។ ដូច្នេះ អ្នកគួរតែមានទំនុកចិត្តលើខ្លួនឯង ចាប់ឱកាសល្អៗឲ្យបាន ព្រមទាំងកុំខ្ជះខ្ជាយពេលវេលា ដោយផ្តេកផ្តួលលើព្រហ្មលិខិតឲ្យសោះ៕