រើសបៀរមួយសន្លឹកដើម្បីដឹងថា មនុស្សប្រុសបែបណាដែលអ្នកគួរតែសាងអនាគតជាមួយ

  • 2022-01-21 09:55:00
  • ចំនួនមតិ 0 | ចំនួនចែករំលែក 0

រើសតែបៀរមួយសន្លឹកនេះច្បាស់ជាដឹងយ៉ាងប្រាកដជាមិនខាន៖

សន្លឹកបៀរទី ១

អ្វីដែលអ្នកតែងតែចាប់អារម្មណ៏ដំបូងគេបង្អស់មុននឹងសម្រេចចិត្តថាពេញចិត្តនរណាម្នាក់នោះគឺថាគេនោះស្រស់សង្ហាយ៉ាងណាដែរ គេជាប្រភេទមនុស្សដែលជាបុរសពិតៗ និង មិនខ្លាចក្នុងការតស៊ូជម្នះ ដើម្បីមនុស្សដែលខ្លួនស្រលាញ់ពេញចិត្ត។ មនុស្សប្រុសប្រភេទនេះភាគច្រើនជាគូស្នេហ៏ដ៏ល្អ តែចំពោះរឿងអនាគត ជាប្ដីប្រពន្ធនឹងគ្នាវិញ អាចនឹងពិបាកបន្តិចសម្រាប់ស្រីជាប្រពន្ធ។ ហេតុនេះហើយ មុនពេលមានបំណងគិតគូរពីរឿងអនាគតជាមួយគេ ត្រូវច្បាស់ចិត្តអ្នកបានដឹងរាក់ជ្រៅពីគេគ្រប់គ្រាន់ហើយ។

សន្លឹកបៀរទី ២

ភាគច្រើន អ្នកត្រូវចិត្តជាមួយប្រភេទមនុស្សប្រុសដែលមានសម្ដីផ្អែមល្អែម និង មានសន្ដានចិត្តល្អចំពោះមនុស្សជុំវិញខ្លួន។ គេជាប្រភេទមនុស្សប្រុសដែលមានសុជីវធម៌ ចេះដឹងខុសត្រូវ និង គោរពចាស់ទុំ ថែមទាំងជាប្រភេទមនុស្សដែលចេះរ៉ូម៉ែនទិចផងដែរ។ គេជាមនុស្សដែលមានអារម្មណ៏កក់ក្ដៅអាចពឹងពាក់បាន និង ប្រាប់គេបានគ្រប់រឿងទាំងមិនខ្លាចចិត្ត ព្រោះគេជាមនុស្សចាស់ទុំ និង មានការអត់ធ្មត់ខ្ពស់។ អ្នកអាចនឹងមានការអន់ចិត្ត ហើយប្រច័ណ្ឌច្រើន ព្រោះជាធម្មតាគេតែងតែធ្វើល្អ និង សម្ដីផ្អែមដាក់អ្នកដទៃគ្រប់គ្នា។

សន្លឹកបៀរទី ៣

បើសិនជាអ្នកជ្រើសរើសសន្លឹកបៀរមួយនេះនោះ អនាគតស្វាមីអ្នកគួរតែជាមនុស្សដែលមានទំនួលខុសត្រូវខ្ពស់ មិនដែលអោយប្រពន្ធកូន ត្រុូវឆ្លងកាត់ទុក្ខលំបាកអ្វីនោះទេ គ្រួសារគឺជារឿងសំខាន់បំផុតហើយសម្រាប់គាត់។ អាចនិយាយបានថាជាជម្រើសដ៏ល្អឥតខ្ចោះ បើសិនជាអ្វីដែលអ្នកប្រាថ្នាចង់បានគឺគ្រួសារដែលពោរពេញដោយសុភមង្គលមួយនោះ។ ទោះមិនជាចេះស្វីត និង រ៉ូម៉ែនទិចដូចគេពិតមែន តែមនុស្សប្រុសប្រភេទនេះចិត្តស្មោះខ្លាំងណាស់គ្រាន់តែមិនដឹងបង្ហាញមកខាងក្រៅយ៉ាងម៉េចនោះទេ។

សន្លឹកបៀរទី ៤

ពិតអត់ដែលជាធម្មតា អោយតែមនុស្សដែលគេមិនសូវយកចិត្តទុកដាក់ ឬ ចាប់អារម្មណ៏ជាមួយនោះដឹងតែត្រូវចិត្តខ្លាំងតែម្ដង។ អនាគតស្វាមីអ្នកគឺជាប្រភេទមនុស្សប្រុសដែលមានចំនេះដឹងខ្ពង់ខ្ពស់ ធ្វើអ្វីក៏មានហេតុផលជានិច្ច តែងតែចង់អោយរឿងអ្វីៗក៏ដែលកើតឡើងនៅជុំវិញខ្លួន កើតឡើងនៅក្រោមច្បាប់ទំលាប់ និង ការកំណត់របស់គេជានិច្ច។ សូម្បីតែរឿងស្នេហា ក៏គេមានការគិតគូរយ៉ាងល្អិតល្អន់ និង ពិចារណាសព្វជ្រុងជ្រោយដែរ អ្វីដែលគេទាមទារពីដៃគូជាចាំបាច់នោះ គឺភាពស្មោះត្រង់។

ប្រភព៖ Eva ប្រែសម្រួល៖ ​Iv Madalen

អត្ថបទពេញនិយម