ទម្លាប់៤យ៉ាង ធ្វើឲ្យខូឡាជែនឆាប់បាត់បង់ទាំងវ័យក្មេង យ៉ាងស្តាយស្រណោះ

2022-01-20 09:20:00
ចំនួនមតិ 0 | ចំនួនចែករំលែក 0

ទម្លាប់៤យ៉ាងខាងក្រោមនេះ ធ្វើឲ្យសារធាតុខូឡាជែនឆាប់បាត់បង់ជាទីបំផុត ទោះជាអ្នកមានអាយុនៅតិចក៏ដោយ។

១. ខ្ជិលហាត់ប្រាណ

លោកវេជ្ជបណ្ឌិតបាននិយាយថា អ្នកដែលចូលចិត្តអង្គុយនៅស្ងៀមមួយកន្លែង ហើយមិនសូវហាត់ប្រាណទៀត ងាយនឹងធ្វើឲ្យរាងកាយស្ពឹកស្រពន់។ បន្ថែមពីនេះ ប៉ះពាល់ដល់ចរន្តឈាម សាច់ដុំ ឡើងទម្ងន់ ប៉ះពាល់ឆ្អឹង ដែលកាន់តែអាក្រក់ទៀតនោះនឹងបំផ្លាញខូឡាជែន។

២. ចូលគេងយប់ពេក

ពេលយប់ គឺជាពេលវេលាសម្រាប់រាងកាយសម្រាក ជួសជុលកោសិកា និងថាមពលដោយខ្លួនឯង។ ប្រសិនបើអ្នកមិនបានគេងគ្រប់គ្រាន់ អ្នកនឹងមិនមានពេលវេលាគ្រប់គ្រាន់ក្នុងការទទួលបានខូឡាជែនដើម្បីបង្កើតឡើងវិញ និងដំណើរការបានត្រឹមត្រូវ។

៣. មិនលាបឡេការពារកម្តៅថ្ងៃ នៅពេលចេញក្រៅ

ពន្លឺព្រះអាទិត្យគឺជាសត្រូវលេខ១ ដែលបំផ្លាញស្បែក។ ជាទូទៅ UVA នឹងចូលទៅជ្រៅក្នុងស្រទាប់ស្បែក ហើយបំផ្លាញខូឡាជែន។ ដើម្បីការពារ ការជះឥទ្ធិពលពីការបាត់បង់ខូឡាជែនមកលើស្បែក ដូច្នេះមុនចេញក្រៅ អ្នកគួរតែប្រើឡេការពារកម្តៅថ្ងៃ ដែលមាន SPF យ៉ាងហោចណាស់៣០ ហើយច្រើនបំផុតគឺ ៥០។ ម្យ៉ាងទៀត អ្នកគួរលាបរាល់២ម៉ោងម្តង។

៤. ញ៉ាំអាហារមានជាតិស្ករខ្ពស់

អាហារដែលសម្បូរដោយស្ករធ្វើឲ្យស្បែកងាយស្ងួត កាត់បន្ថយខូឡាជែន ធ្វើឲ្យស្បែកងាយជ្រួញនិងយារធ្លាក់។ លើសពីនេះ អាហារដែលសម្បូរដោយជាតិស្ករ ធ្វើឲ្យកាល់ស្យូមចុះខ្សោយ ដែលនាំឲ្យពុកឆ្អឹង។

ប្រភព៖ Phunutoday ប្រែសម្រួល៖ លឹម សុនា