អ្នកសាងបានបុណ្យដល់ណាស់ ប្រសិនបើមនុស្សប្រុសទ្រាំបានចរិតអាក្រក់ទាំង៤នេះរបស់អ្នកបាន
- 2022-01-14 02:40:00
- ចំនួនមតិ 0 | ចំនួនចែករំលែក 0
អ្នកសាងបានបុណ្យដល់ណាស់ ប្រសិនបើមនុស្សប្រុសទ្រាំបានចរិតអាក្រក់ទាំង៤នេះរបស់អ្នកបាន
នៅពេលស្រលាញ់គ្នា គ្រប់មនោសញ្ចេតនាទាំងអស់តែងតែមានរកាំរកូសឈ្លោះប្រកែកគ្នា។ តែប្រសិនបើគេទ្រាំនឹងអត្តចរិតទាំងនេះមានន័យថា អ្នកសំណាង និងគេស្រលាញ់អ្នកខ្លាំងណាស់។
១. យល់ព្រមឲ្យអ្នកចាយលុយគេ
សង្គមពេលនេះលុយពិបាករក តែតម្រូវការចាយលុយរបស់មនុស្សស្រីគឺជាខ្ពស់ជាងមនុស្សប្រុស ដូចនេះហើយ ពេលខ្លះចំណូលតែរបស់ខ្លួនឯងរកបានមិនគ្រប់គ្រាន់ឡើយ។ ប្រសិនបើមិត្តប្រុស ឬស្វាមីរបស់អ្នកអនុញ្ញាតឲ្យអ្នកចាយលុយរបស់គេ ដោយគ្មានរអ៊ូរទាំអ្វីនោះ អ្នកគឺជាភរិយា ឬមិត្តស្រីដ៏មានសំណាងម្នាក់ហើយ ព្រោះមិនមែនមនុស្សប្រុសណាក៏ស្ម័គ្រចិត្តឲ្យមនុស្សស្រីចាយលុយរបស់ខ្លួននោះឡើយ។
២. ទ្រាំនឹងកំហឹងរបស់អ្នកបាន
សួរថាគូស្នេហ៍ណាដែលស្រលាញ់គ្នាមិនឈ្លោះប្រកែកគ្នានោះ។ ប្រសិនបើមនុស្សចិត្តមិនធ្ងន់ទេ ហើយ ត្រៀមខ្លួនរួចរាល់ដើម្បីឈ្លោះគ្នាជាមួយអ្នកគ្រប់ពេលដែលអ្នកខឹងនោះ មិនយូរមិនឆាប់ ស្នេហារបស់អ្នកប្រាកដជាខ្ទេចខ្ទិមិនខាន។ តែផ្ទុយមកវិញ ទោះបីស្ថិតក្នុងកាលៈទេសៈណាក៏ក៏ចិត្តត្រជាក់ ហើយអាចទ្រាំបានរាល់ពេលដែលអ្នកក្ដៅចិត្តនោះ អ្នករើសមនុស្សត្រូវហើយ សូមកុំឲ្យបាត់បង់គេ។
៣. ទទួលបានចរិតខ្ជិលច្រអូសរបស់អ្នក
មនុស្សស្រីសម័យថ្មី មានការងារ និងពូកែរកលុយមិនចាញ់មនុស្សប្រុស ដូចនេះហើយ នៅពេលត្រលប់មកផ្ទះវិញ ពួកគេក៏នឿយហត់ ក៏ចង់សម្រាកក្រោយអស់កម្លាំងពេញមួយថ្ងៃ។ ដូចនេះហើយ ប្រសិនបើ មិត្តប្រុស ឬប្ដីរបស់អ្នកអាចយល់ពីទុក្ខលំបាកមួយនេះ គឺមិនងាយរកបានឡើយ ព្រោះទោះបីជាយ៉ាងណា សង្គមនៅតែរក្សាគំនិតថា ការងារផ្ទះជាបន្ទុករបស់មនុស្សស្រី។ ហើយអ្នកនឹងកាន់តែសំណាងជាងនេះទៀត ប្រសិនបើគេចែករំលែកការងារផ្ទះសម្បែងនេះជាមួយអ្នក៕