ស្ទើរមិនជឿថាមនុស្សស្រីមានខ្នងហៀរសាច់យារធ្លាក់នេះ គឺជាកំពូលតារា Yang Mi
- 2022-01-13 03:00:00
- ចំនួនមតិ 0 | ចំនួនចែករំលែក 0
ស្ទើរមិនជឿថាមនុស្សស្រីមានខ្នងហៀរសាច់យារធ្លាក់នេះ គឺជាកំពូលតារា Yang Mi
ទោះបីជាល្បីឈ្មោះថាជាតារាដែលមានរាងស្គមស្ដើងក៏ដោយ តែតារាសម្ដែងស្រីលំដាប់ A ចិន Yang Mi នៅតែមានខ្នងធំនិងសាច់ច្រើនដដែរ។
កាលពីថ្ងៃទី ១១ ខែមករាកន្លងទៅនេះ បណ្ដាញព័ត៌មាន Sina បានរាយការណ៍ថា កំពូលតារាសម្ដែងស្រីចិន Yang Mi ដែលល្បីមានរាងស្គមស្ដើងរហូតដល់ពេលខ្លះចុះក្រោម៤០គីឡូនោះ ក៏មានកន្លែងខ្លះលើរាងកាយហៀរសាច់ រហូតដល់យារធ្លាក់ដែរ។
តាមនោះដែរ ទោះបីជាតារាស្រីអាយុ ៣៥ឆ្នាំ មានរាងស្គមស្ដើងខ្ពស់ក៏ពិតមែន តែចំណុចខ្នងរបស់ តួរឿង Novaland បែរជាមានសាច់ច្រើនខុសប្រក្រតីទៅវិញ។ ជាក់ស្ដែង នៅក្នុងកម្រងរូបភាពជាច្រើនដែលមិនទាន់ឆ្លងកាត់ការកែសម្រួល ខ្នង Yang Mi ធំនិងហៀរសាច់ចេញក្រៅនៅពេលស្លៀករ៉ូបរឹប ធ្វើឲ្យស្បែកយារ មិនស្រស់ស្អាតដូចរូបក្រោយកែទាល់តែសោះ។
ក្រោយពេលឃើញកម្រងរូបទាំងនេះ ទស្សនិកជនទើបយល់ថា ហេតុអ្វីអ្នកម្ដាយកូន១ខំប្រឹងសម្រកគីឡូដល់ថ្នាក់នេះ ត្បិតទោះមានរាងស្គមហើយក៏ដោយមែន តែចំណុចខ្នងរបស់នាងផ្ដុំដោយសាច់ច្រើន អាចធ្វើឲ្យសាច់នាងយារធ្លាក់ប្រសិនបើឡើងគីឡូត្រឹមតែបន្តិច៕