បែកធ្លាយរឿង Ji A មានសង្សារហើយនៅតែចូលរួមកម្មវិធី Dating Single’s Inferno

2022-01-12 04:43:00
ចំនួនមតិ 0 | ចំនួនចែករំលែក 0

ព័ត៌មានទាក់ទងនឹង តារាបណ្ដាញសង្គមស្រី Song Ji A នៅតែទទួលបានចំណាប់អារម្មណ៍របស់ទស្សនិកជនមិនចប់។

កាលពីថ្ងៃទី ១១ ខែមករាកន្លងទៅនេះ បណ្ដាញព័ត៌មាន Naver បានរាយការណ៍ថា បន្តជាប់នៅក្នុងចម្រូងចម្រាសស្នេហា បើទោះបីជាកម្មវិធី Dating ឈ្មោះ Single’s Inferno បានចប់ទៅហើយក៏ដោយ។ ប្រភពដដែលបានឲ្យដឹងថា មានមន្ទិលសង្ស័យថា ស្រីស្អាតអាយុ ២៥ឆ្នាំ មានមិត្តប្រុសហើយ នៅតែចូលរួមកម្មវិធីផ្គូផ្គងរកគូស្រករបន្ថែមទៀត។

ជាក់ស្ដែង នៅក្នុងវីដេអូមួយ ដែល Song Ji A ដើរក្នុងមជ្ឈមណ្ឌលពាណិជ្ជកម្ម គឺមានបុរសម្នាក់ដើរជាមួយ តែបុរសនោះត្រូវបានធ្វើឲ្យព្រាលមុខ។ មនុស្សជាច្រើនបានសន្និដ្ឋានថា ស្រីស្អាតមានអ្នកគាំទ្ររាប់លាននាក់នេះ មានម្ចាស់បេះដូងរួចទៅហើយ។

យ៉ាងណាក្ដី មិនឲ្យរឿងទៅជាធំទាន់ពេល សាមីខ្លួនបានចេញមុខមកបកស្រាយថា បុរសព្រាលមុខនៅក្នុងវីដេអូគឺជាប្អូនប្រុសបង្កើតរបស់នាងនោះទេ ហើយការដែលនាងដើរជាមួយប្អូននេះ គឺដើម្បីទិញកាដូរខួបកំណើតឲ្យប្អូនប្រុសប៉ុណ្ណោះ។

សម្រាប់នៅពេលបច្ចុប្បន្នវិញ ទោះបីជាចប់កម្មវិធី Ji A បានផ្សំផ្គុំជាមួយនឹង Hyeon Joong ក៏ពិតមែន តែគេមិនឃើញសកម្មភាពអ្វីរបស់ស្រីស្រស់ ប្រុសស្អាតទាំងពីរនេះទាំងអស់ ដែលធ្វើឲ្យសន្និដ្ឋាន អ្នកទាំង២គ្រាន់តែសម្ដែងក្នុងកម្មវិធីប៉ុណ្ណោះ៕