មហាជនហួសចិត្តអ្នកម្ដាយនាំកូនស្រី ៧ឆ្នាំទៅវះកាត់កែសម្ផស្សជាកាដូរខួបកំណើត

2022-01-12 03:55:00
ចំនួនមតិ 0 | ចំនួនចែករំលែក 0

ដោយសារតែខ្លាចកូនស្រីខ្លួនមិនស្អាត និងចាញ់កូនអ្នកដទៃ អ្នកម្ដាយមកពីប្រទេសចិនហ៊ានយកកូនស្រីអាយុទើបតែ៧ឆ្នាំទៅវះកាត់កែសម្ផស្ស។

កាលពីថ្ងៃទី ១០ ខែមករាកន្លងទៅនេះ បណ្ដាញព័ត៌មាន Sina បានធ្វើឲ្យមនុស្សជាច្រើនភ្ញាក់ផ្អើលក្រោយពេលប្រភពមួយនេះរាយការណ៍ថា អ្នកម្ដាយមួយរូបមកពីខេត្ត Guangzhou បានដឹកដៃកូនស្រីអាយុ ៧ឆ្នាំរបស់ខ្លួនទៅវះកាត់ត្របកភ្នែក២ជាន់ នៅថ្ងៃខួបកំណើតរបស់នាង ដោយលើកឡើងថា នេះគឺជាកាដូរថ្ងៃកំណើតរបស់ខ្លួន។

អ្នកម្ដាយខាងលើបានឲ្យដឹងថា កូនស្រីខ្លួនមានត្របកភ្នែកតែមួយជាន់ ហើយក្មេងៗដទៃនៅក្នុងថ្នាក់សុទ្ធតែមានត្របកភ្នែក២ជាន់ ដូចនេះដើម្បីកុំឲ្យកូនស្រីអន់ចិត្ត នាងសម្រេចចិត្តនាំកូនមកកាត់ភ្នែកតែម្ដង។

អ្នកម្ដាយខាងលើហាក់មានមោទនភាពនឹងការសម្រេចចិត្តរបស់ខ្លួនខ្លាំង ដោយនាងបានឲ្យដឹងថា កាដូរនេះនឹងជួយឲ្យកូនស្រីជឿជាក់លើខ្លួនឯងជាងមុន។ មិនបញ្ឈប់ត្រឹមនេះ អ្នកម្ដាយខាងលើបានបង្ហើបថា មិនមែនមានតែខ្លួននោះទេ ដែលនាំកូនទៅកែសម្ផស្ស ត្បិតមជ្ឈមណ្ឌលដែលនាងទៅ គឺមិនខ្វះឡើយក្មេងស្រីអាយុ ៦-៧ឆ្នាំត្រូវបានម្ដាយនាំទៅកែដូចគ្នាដែរ។ ក្រោយពេលឃើញបែបនេះ មនុស្សជាច្រើនបានសម្ដែងការប្រឆាំងចំពោះទង្វើខាងលើជាខ្លាំង ត្បិតមិនគួរណាក្មេងមិនទាន់គ្រប់អាយុ ត្រូវគ្រួសារយកសំពាធសង្គមមកដាក់ពីលើបែបនេះឡើយ៕

ប្រភព៖ Vi.blogtamsu ប្រែសម្រួល៖ Caramel