សក់គឺជាផ្នែកមួយក្នុងការជួយលើកកម្ពស់សម្រស់ឲ្យកាន់តែមានភាពទាក់ទាញថែមមួយកម្រិតទៀត។ ដើម្បីតាមឲ្យទាន់ភាពសម័យនិយម ម៉ូដសក់គឺជារឿងសំខាន់សម្រាប់មនុស្សម្នាក់ៗដោយការលេងពណ៌សក់ ការកៀបឲ្យត្រង់ ឬម៉ូដរួញ ហើយនឹងម៉ូដជាច្រើនផ្សេងទៀតទៅតាមចំណង់ចំណូលចិត្តរបស់ពួកគេសម្រាប់ការទៅកន្លែងណាមួយ ឬចូលរួមកម្មវិធីណានានា។

ទាំងនោះហើយដែលជាមូលហេតុធ្វើឲ្យសក់អ្នកមានការខូចខាច និងបាត់បង់សុខភាព។ តែវាមិនមែនជារឿងដែលអ្នកត្រូវព្រួយបារម្ភខ្លាំងនោះឡើយ ពីព្រោះវាអាចព្យាបាលបានដោយវីធីងាយៗជាច្រើន។

ជាមួយរូបមន្តពិសេសនៃគ្រឿងផ្សំទាំងបីមុខនេះវាពិតជាអាចជួយព្យាបាលសក់ខូចរបស់អ្នកបាន៖

១. ក្រែមបន្ទន់សក់ (Conditioner)

២. ប្រេងដូង (Coconut Oil)

៣. ប្រេងអូលីវ (Olive Oil)

វិធីអនុវត្ត៖

• យកគ្រឿងផ្សំទាំងបីនេះលាយបញ្ចូលគ្នាឲ្យសព្វក្នុងចានមួយតាមចំនួយស្មើរៗគ្នា និងតាមដែលចំនួនដែលអ្នកគិតថាវាគ្រប់អាចលាបសព្វទៅលើសក់របស់អ្នក
• យកប្រភេទប្លាស្ទីករុំអាហារ មករុំឲ្យបានជុំវិញសក់ដែលលាបហើយ
• ទុកចោលប្រហែល ២០ ទៅ ៣០ នាទីទើបលាងវាចេញជាមួយនឹងទឹកក្តៅអន់ៗបន្តិចជាការស្រេច

ទាំងនេះជាវិធីងាយៗមួយដែលពិតជាអាចជួយព្យាបាលសក់ឲ្យមានសុខភាពល្អមកវិញ។ បើសក់ខូចខ្លាំងព្យាយាមធ្វើពី ២ ទៅបីដងក្នុងមួយសប្តាហ៍ តែបើមិនសូវខូចទេអាចធ្វើត្រឹមតែម្តងទៅពីរដងក្នុងមួយសប្តាហ៍បានហើយ៕

ប្រភពរូបភាព៖ Pinterest

ចុចអានបន្ត៖

• គន្លឹះងាយៗ ៣ យ៉ាងអាចព្យាបាលសក់ជ្រុះ និងសក់ខូចឲ្យបានប្រសើរឡើងវិញតាមបែបធម្មជាតិ
• បញ្ហាសក់ ៥ យ៉ាងដែលបណ្ដាលមកពីការគេងទម្លាក់សក់ជារៀងរាល់យប់