៤ រូបមន្តដ៏អស្ចារ្យ ស្រស់ស្អាតដោយមិនចំណាយច្រើនជាមួយនឹង Baking Soda

2021-11-29 02:16:00
ចំនួនមតិ 0 | ចំនួនចែករំលែក 0

Baking soda គឺជាគ្រឿងផ្សំដ៏សំខាន់ក្នុងការធ្វើបង្អែមផ្សេងៗ ដោយសារតែមានសារធាតុធ្វើឱ្យបង្អែម នោះមានក្លិនក្រអូប នឹង ឡើងបានល្អ។ ប៉ុន្តែតើអ្នកដឹងទេថា ក្រៅពី baking soda វាអាចធ្វើឱ្យអាហារសម្រន់ដ៏ឈ្ងុយឆ្ងាញ់បាន? ក៏អាចប្រើជាគ្រឿងផ្សំសម្រាប់ចិញ្ចឹមស្បែកមុខម្តងទៀតបាន៖

១. ម្សៅ Baking soda + ទឹក - បំបាត់ការរលាកមុន កាត់បន្ថយក្រហម

នៅពេលដែលរលាកមុន ឬក្រហមដោយសារការរលាកមុន Baking Soda អាចជួយបាន។ លាយម្សៅ baking soda ២ស្លាបព្រាបាយ ជាមួយនឹងទឹកត្រជាក់ ២ស្លាបព្រាបាយ រួចកូរឱ្យរលាយ។ បន្ទាប់មកលាបលើកន្លែងកើតមុនដែលរលាក។ ឬក្រហមពីមុនដែលរលាកទុកចោល៥នាទីសឹមលាងទឹកចេញ។ វានឹងជួយកាត់បន្ថយការរលាក ឬក្រហមដែលបណ្តាលមកពីមុន។

២. ម្សៅ Baking soda + ទឹកឃ្មុំ + ទឹក - បំបាត់មុន

លាយម្សៅ baking soda 1-2 ស្លាបព្រាជាមួយនឹងទឹក និងទឹកឃ្មុំក្នុងបរិមាណសមស្របនៅលើមុខរបស់អ្នក។ កូរគ្រឿងផ្សំទាំងអស់រហូតក្លាយជាក្រែម។ រួចយកវាមកជូតថ្នមៗ។ ធ្វើចលនាជារង្វង់លើមុខប្រហែល 1-2 នាទី បន្ទាប់មកលាងចេញដោយទឹកស្អាត។

៣. ម្សៅ Baking Soda + ទឹកដោះគោស្រស់ + ទឹកឃ្មុំ - ស្បែកទន់រលោង និងមានសំណើម

សម្រាប់បញ្ហាស្បែកស្ងួត គ្រើម អាចបន្ថែមភាពទន់ និងសំណើមដល់ផ្ទៃមុខបាន ដោយយក baking soda ទឹកដោះគោស្រស់ និងទឹកឃ្មុំចូលច្របល់ចូលគ្នារហូតមានសាច់ក្រែម។ រួចលាបលើមុខថ្នមៗប្រហែល៥នាទី រួចលាងទឹកចេញ។ ម្សៅ Baking Soda នឹងជួយជម្រុះកោសិកាស្បែកចាស់ៗចេញ ខណៈពេលដែលទឹកដោះគោនិងទឹកឃ្មុំបន្ថែមសំណើមដល់ស្បែក។

៤. ម្សៅ Baking Soda + ទឹកឃ្មុំ + ស្ករ - ព្យាបាលបបូរមាត់ខ្មៅ

រូបមន្តនេះគឺសម្រាប់អ្នកដែលមានបបូរមាត់ខ្មៅ។ ម្សៅ Baking soda ដែលមានលក្ខណៈសម្បត្តិបំបាត់ស្នាមក៏មានប្រយោជន៍ដែរ។ ដោយលាយម្សៅ Baking soda កន្លះស្លាបព្រាកាហ្វេ និងទឹកឃ្មុំ ១ ស្លាបព្រាបាយ រួចច្របល់ចូលគ្នាឲ្យសព្វ។ បន្ទាប់មកបន្ថែមស្ករកន្លះស្លាបព្រា។ សម្រាប់ជួយលាបបបូរមាត់។ រួចយកវាមកជូតថ្នមៗ។ លាបលើបបូរមាត់ប្រហែល 2 នាទី រួចលាងទឹកចេញ។ លាបជាមួយក្រែមលាបបបូរមាត់ ដើម្បីចិញ្ចឹម និងផ្តល់សំណើមដល់បបូរមាត់។

ប្រភព៖ Sanook ប្រែសម្រួល៖ Iv Madalen