តើមនុស្សប្រុសដែលអ្នកស្រលាញ់ គួរមានឬកពារបែបណា?
- 2021-11-16 07:50:00
- ចំនួនមតិ 0 | ចំនួនចែករំលែក 0
តើមនុស្សប្រុសដែលអ្នកស្រលាញ់ គួរមានឬកពារបែបណា?
កាតដែលអ្នករើស នឹងបង្ហាញពីលក្ខណៈសម្បត្តិមនុស្សប្រុសដែលអ្នកស្រលាញ់។
កាត A
កាតនេះបង្ហាញថា មនុស្សប្រុសដែលអ្នក Crush លើ មិនផ្តោតខ្លាំងលើរូបរាងសង្ហាឬអត់នោះទេ តែគឺផ្តោតទៅលើទេពកោសល្យ និងចេះកំប្លែង។ លើសពីនេះ អ្នកចូលចិត្តបុរសដែលចូលចំណោមសង្គមចុះ មានគំនិតសុទិដ្ឋិនិយម ងាយស្រួលរាប់អាន។ ពេលនៅក្បែរគាត់ អ្នកមិនចាំបាច់បារម្ភច្រើនឡើយ គាត់អាចនាំអ្នកទៅគ្រប់ទីកន្លែង បើកភ្នែកឡើងជាមួយគ្នា និងបង្កើតបទពិសោធន៍ថ្មីរួមគ្នា។
កាត B
កាតនេះបង្ហាញថា អ្នកពិតជាមនុស្សមិនត្រូវការអួតអាង។ ក្នុងជីវីតរស់នៅ អ្នកជាមនុស្សពោរពេញដោយភាពស្ងៀមស្ងាត់ មិនត្រូវការមហិច្ចតាធំឡើយ។ ក្រៅពីនេះ អ្នកមើលទៅចាស់ទុំ និងជាមនុស្សត្រូវការភាពច្បាស់លាស់។ អ្នកចង់រស់នៅជាមួយនរណាដែលធ្វើឲ្យអ្នកយល់ថាមានសុវត្ថិភាព និងអាចការពារអ្នកបាន។
កាត C
កាតនេះបង្ហាញថា អ្នកជាមនុស្សពោរពេញដោយក្តីស្រលាញ់ ការឲ្យតម្លៃលើពេលវេលា ស្រលាញ់សេរីភាព និងងាយចុះសម្រុងជាមួយ។ ប្រសិនបើដៃគូអ្នកជាមនុស្សចូលចិត្តគ្រប់គ្រង អ្នកនឹងនិយាយ Good bye តែម្តង។ ដូច្នេះហើយ អ្នកសក្តិសមនឹងមនុស្សដែលមានអាយុស្របាលគ្នា ព្រោះគេឲ្យអ្នកនូវអារម្មណ៍ជិតស្និទ្ធ រីករាយ និងកំប្លែងតាមបែបធម្មជាតិ។
កាត D
អ្នកដែលរើសកាតនេះ គឺជាមនុស្សដែលពោរពេញដោយភាពជានារី និងសេចក្តីស្រលាញ់។ ពេលលង់លើនរណា អ្នកតែងធ្វើគ្រប់យ៉ាងដើម្បីឲ្យគេរីករាយ។ អ្នកចូលចិត្តមនុស្សដែលផ្តល់ឲ្យអ្នកនូវភាពកក់ក្តៅ ធ្វើជាគំរូ យកចិត្តទុកដាក់លើអ្នកបានល្អ ធ្វើឲ្យមានអារម្មណ៍ផាសុកភាពជាដើម។ ក្រៅពីនេះ អាចទ្រាំនឹងចរិតកូនក្មេងរបស់អ្នកបាន មានការអត់ធ្មត់ និងមើលថែអ្នកបានល្អណាស់។