អ្នកយកប្ដីខុសហើយ ប្រសិនបើគេឧស្សាហ៍និយាយឃ្លាទាំងនេះដាក់អ្នក
- 2021-10-28 08:44:00
- ចំនួនមតិ 0 | ចំនួនចែករំលែក 0
អ្នកយកប្ដីខុសហើយ ប្រសិនបើគេឧស្សាហ៍និយាយឃ្លាទាំងនេះដាក់អ្នក
ក្លាយជាប្ដីប្រពន្ធនឹងគ្នាហើយ ប្រសិនបើនិយាយពាក្យទាំងនេះចេញមក គឺព្រៃផ្សៃខ្លាំងណាស់។ បើប្ដីដាច់ចិត្តនិយាយឃ្លាទាំងនេះចេញមកដាក់ប្រពន្ធ មានន័យថា មិនឲ្យតម្លៃប្រពន្ធសោះតែម្ដង។
១. ម៉េចក៏យើងសាំម៉េះ?
នៅពេលអ្នកកំពុងសប្បាយចិត្ត ហើយចង់និយាយជាមួយគេឲ្យបានច្រើន ស្រាប់តែគេថាឲ្យអ្នកនិយាយច្រើន ហើយសាំញ៉ាំនោះ នឹងធ្វើឲ្យប្រពន្ធប៉ះទង្គិចផ្លូវចិត្តជាខ្លាំង។ សូមបុរសៗចងចាំថា នៅពេលដែលអ្នកកាន់តែទុកនាងចោល នាងនឹងរឹតតែមានហេតុផលច្បាស់លាស់ ដើម្បីចាកចោលអ្នកនៅពេលក្រោយ។
២. ហើយយើងដឹងអីដែរ?
ពាក្យនេះនឹងនិយាយចេញមក នៅពេលដែលគេមិនព្រមស្ដាប់តាមគំនិតរបស់អ្នកណាទាំងអស់ ហើយគិតថាមានតែជំហររបស់ខ្លួនប៉ុណ្ណោះដែលត្រឹមត្រូវ។ នៅពេលដែលគេនិយាយឃ្លាថា៖ ហើយយើងចេះស្អី នឹងធ្វើឲ្យខាងប្រពន្ធមានអារម្មណ៍ថា ដូចគ្មានចំណេះដឹង ហើយអន់ខ្លាំងណាស់ ប្រៀបដូចមិនដល់គេ។
៣. ខ្ញុំការយើងមក ដើម្បីធ្វើរឿងនេះតើ
សម័យកាលជឿនលឿន មនុស្សស្រី និងមនុស្សប្រុសសុទ្ធតែមានសិទ្ធិស្មើគ្នាទាំងអស់។ ដូចនេះហើយ ការងារផ្ទះដូចជា មើលកូន ជូតផ្ទះ ធ្វើម្ហូប ដាំបាយ បោកខោអាវ គួរតែចែកវេនគ្នាធ្វើ ឬធ្វើម្នាក់ពាក់កណ្ដាលជាដើម។ ផ្ទុយមកវិញ ប្រសិនបើគេនិយាយថា ខ្ញុំការយើងមកឲ្យធ្វើរឿងនេះ គឺគេនៅតែប្រកាន់យកគំនិតចាស់គំរិល ហួសសម័យ ហើយមើលមកអ្នកប្រៀបដូចជាឧបករណ៍ធ្វើការងារផ្ទះតែប៉ុណ្ណោះ៕