ខាងក្រោមជាវិធីសាស្ត្របណ្តុះបណ្តាលការចងចាំល្អៗ ដើម្បីអាចបង្កើនការរៀនសូត្ររបស់កុមារឱ្យកាន់តែប្រសើរឡើងៗ។

១. ការបរិភោគមានជីវជាតិគ្រប់គ្រាន់

ចាប់ផ្តើមដោយយកចិត្តទុកដាក់លើរបបអាហាររបស់កូនអ្នកជាមុន ដែលមិនសំដៅដល់ការញាំច្រើន ឬញាំ៉ទៅធ្វើឱ្យក្មេងធាត់ៗទេ។ ប្រសិនបើឪពុកម្តាយចង់ឱ្យកូនរបស់ពួកគេមានការចងចាំល្អ អាហារដែលកុមារគួរទទួលទានត្រូវតែជាអាហារដែលសំបូរទៅដោយសារធាតុចិញ្ចឹមផ្សេងៗគ្រប់គ្រាន់ ដូចជា៖ ផ្លែឈើ និងបន្លែ ព្រោះវាជាអាហារដែលមានវីតាមីន B2 និងអាស៊ីតហ្វូលិក ដែលជួយការពារជំងឺវង្វេងវង្វាន់។ ក្រៅពីនេះ សាច់ និងអាហារសមុទ្រ មានផ្ទុកនូវសារធាតុចិញ្ចឹម ដូចជា៖ ជាតិដែក ដែលជួយរំញោចដល់ដំណើរការខាងឆ្វេង នៃខួរក្បាលក្នុងការចងចាំបានល្អ។

២. បង្រៀនកូនរបស់អ្នកឲ្យចំណាយពេលធ្វើលំហាត់ប្រាណ

លំហាត់ប្រាណអាចជួយបង្កើនការចងចាំរបស់កូនអ្នកផងដែរ។ ពីព្រោះនៅពេលដែលរាងកាយធ្វើចលនា មិនថារត់ លោត រាំ តាមចង្វាក់ភ្លេង ជិះកង់ ឬរត់នៅខាងក្រៅផ្ទះ ទាំងអស់នេះបណ្តាលឱ្យមានការផ្គត់ផ្គង់ឈាមបន្ថែមដល់ខួរក្បាល។ សកម្មភាពកីឡានឹងជួយធ្វើឱ្យខួរក្បាលបើកចំហ និងត្រៀមខ្លួនដើម្បីរៀនអ្វីថ្មីបានងាយស្រួល។

៣. លេងហ្គេម

ការលេងហ្គេមដែលជួយបណ្តុះបណ្តាលការចងចាំរបស់យើងបានល្អ និងទាមទារការមានវិន័យផងដែរ។ មានហ្គេមជាច្រើនដែលជួយបណ្តុះបណ្តាលការចងចាំរបស់កូនអ្នក។ មិនថាវាជាល្បែងស្វែងរកពាក្យ ល្បែងផ្គូរផ្គងរូបភាពល្បែងផ្គុំរូបប៊ីងហ្គោ ឡេហ្គោសាងសង់នានា គឺសុទ្ធតែល្អសម្រាប់កុមារបង្កើនការគិត និងភាពច្នៃប្រឌិត។ ហ្គេមទាំងនេះល្អសម្រាប់បណ្តុះបណ្តាលការចងចាំរបស់អ្នក និងបង្កើនភាពសប្បាយរីករាយសម្រាប់កុមារផងដែរ។ អ្វីដែលសំខាន់បំផុតគឺវាជួយឱ្យកុមារផ្តោតអារម្មណ៍ និងរៀនដោះស្រាយបញ្ហាបានល្អ។

៤. បង្ហាត់កូនរបស់អ្នកឱ្យចេះកត់ចំណា

បណ្តុះបណ្តាលកូនអ្នកឱ្យរក្សាកំណត់ហេតុប្រចាំថ្ងៃសាមញ្ញៗ ដូចជា៖ លើអាហារដែលញ៉ាំ រឿងរីករាយ ឬមិនសប្បាយ និងអ្វីជាវិធីសាស្ត្រដោះស្រាយ នោះគឺជាគន្លឹះជួយកុមារចងចាំ និងសម្គាល់សកម្មភាព និងអ្វីដែលគេបានជួបទុកជាការចងចាំជាប្រចាំ។

៥. អនុវត្តសមាធិ

នៅក្នុងផ្នែកនៃការធ្វើសមាធិសម្រាប់កុមារ ឪពុកម្តាយធ្វើរួមគ្នាជាមួយកូនៗ ដែលអាចងាយស្រួល តាមរយៈការហៅកូនអ្នកឱ្យគេងលើភ្លៅ ដោយស្ងៀមស្ងាត់ប្រហែល ១៥នាទី។ នេះជាវិធីម្យ៉ាងដែលនឹងជួយឱ្យកូនអ្នកមានអារម្មណ៍ធូរស្រាល និងស្ងប់សុខ។ វាក៏ជួយរៀបចំខួរក្បាលសម្រាប់កុមារឱ្យបើកចំហក្នុងការរៀនអ្វីថ្មី។ វិធីបង្ហាត់កុមារឱ្យមានការចងចាំ និងពង្រឹងការសិក្សា ទាំងអស់គឺជាវិធីសាស្ត្រសាមញ្ៗញ។ ដែលparentsពុកម្តាយអាចធ្វើបាន ប៉ុន្តែវាក៏អាចចំណាយពេលច្រើនសម្រាប់កូនរបស់អ្នកផងដែរ។ ដូច្នេះparentsពុកម្តាយអាចធ្វើសកម្មភាពផ្សេងៗ ទាំងនេះរួមជាមួយ ជាមួយកុមារ។