បង្ហើបអត្តសញ្ញាណមិនធម្មតាអតីតមិត្តស្រីធ្វើឲ្យកេរ្តិ៍ឈ្មោះ Kim Seon Ho រលាយរលត់ត្រឹម២៤ម៉ោង
- 2021-10-27 02:35:00
- ចំនួនមតិ 0 | ចំនួនចែករំលែក 0
បង្ហើបអត្តសញ្ញាណមិនធម្មតាអតីតមិត្តស្រីធ្វើឲ្យកេរ្តិ៍ឈ្មោះ Kim Seon Ho រលាយរលត់ត្រឹម២៤ម៉ោង
បណ្ដាញព័ត៌មាននានាក្នុងប្រទេសកូរ៉េបានឲ្យដឹងថា អាជីពរបស់តារាសម្ដែងប្រុសល្បីឈ្មោះកូរ៉េ Kim Seon Ho ពិបាកនឹងស្រោចស្រង់ ទន្ទឹមនឹងនោះក៏បង្ហើបពីអតីតមិត្តស្រីរបស់លោកផងដែរ។
កាលពីថ្ងៃទី ២៦ ខែតុលាកន្លងទៅនេះ បណ្ដាញព័ត៌មាន Sports Chosun បានរាយការណ៍ថា ទោះបីជាចេញមុខទទួលស្គាល់ថារាល់កំហុសជារបស់ខ្លួនក៏ដោយ តែហាក់បីដូចជាស្ថានភាពមិនអំណោយផលសម្រាប់តារាសម្ដែងប្រុសកូរ៉េ Kim Seon Ho ឡើយក្រោយលោកត្រូវបានអតីតមិត្តស្រីចោទថាបានបង្ខំនាងឲ្យយកកូនចេញពេលមានផ្ទៃពោះ។
ជាក់ស្ដែងនៅពេលនេះ កម្មវិធីដែលមានលោកជាតារាកិត្តិយសទាំងអស់រួមមាន 2 Days 1 Night, Dog Days និង Two O’clock គឺបានដកលោកចេញទាំងអស់។ ជាមួយគ្នានេះផងដែរ ប្រភពដដែលក៏បានទម្លាយពីព័ត៌មានផ្ទាល់ខ្លួនរបស់អតីតមិត្តស្រីប្រុសស្អាតអាយុ៣៥ឆ្នាំផងដែរ។
តាមនោះដែរ នារីរូបនេះមានឈ្មោះថា Choi Young Ah កើតឆ្នាំ ១៩៨៥ មានកម្ពស់ ១.៧០ម ធ្លាប់ធ្វើការនៅប៉ុស្តិ៍ទូរទស្សន៍ធំៗដូចជា YTN និង KBS។ ឆ្នាំ២០១៣ នាងបានរៀបការជាមួយអ្នកជំនួញអាយុបងខ្លួន ៤ឆ្នាំ តែបានលែងលះវិញក្រោយការបាន១៧ថ្ងៃ។ បច្ចុប្បន្ននាងគឺជាម្ចាស់ហាងលក់ទំនិញអនឡាញមួយ។ ក្រោយមានរឿងរ៉ាងកើតឡើង នាងបានបិទគណនីបណ្ដាញសង្គមរបស់ខ្លួនទាំងអស់។
តំណាងមេធាវីរបស់ Choi Young Ah បានប្រកាសថាដើមបណ្ដឹងរបស់ខ្លួននឹងប្ដឹងរាល់អ្នកដែលជេរស្ដី ក៏ដូចជាប្រឌិតរឿងរបស់នាងទាំងអស់ ដោយភាគច្រើនពួកគេជាអ្នកគាំទ្ររបស់ Kim Seon Ho៕