មួយថ្ងៃចូលរួមកម្មវិធីធំ២ Dilireba នៅតែស្អាតឥតទាស់ រកអ្នកផ្ទឹមគ្មាន
- 2021-10-27 00:00:00
- ចំនួនមតិ 0 | ចំនួនចែករំលែក 0
មួយថ្ងៃចូលរួមកម្មវិធីធំ២ Dilireba នៅតែស្អាតឥតទាស់ រកអ្នកផ្ទឹមគ្មាន
ទោះបីជាត្រូវធ្វើដំណើរទៅចូលរួមក្នុងកម្មវិធី២ធំផ្សេងគ្នាក៏ដោយ តែតារាសម្ដែងស្រីជួរមុខចិន Dilireba នៅតែស្អាតខ្លាំងនៅក្នុងកម្មវិធីទាំង២ដែលខ្លួនចូលរួម។
កាលពីថ្ងៃទី ២៣ ខែតុលាកន្លងទៅនេះ បណ្ដាញព័ត៌មាន Sina បានរាយការណ៍ថា តារាសម្ដែងស្រីលំដាប់ A ចិន Dilireba ត្រូវចូលរួមក្នុងកម្មវិធីរបស់ប្រេនដល់ទៅ២ដែលខ្លួនជាអ្នកតំណាង។ ដោយកម្មវិធីមួយគឺជាកម្មវិធីរបស់ប្រេនរក្សាសម្រស់ និងកម្មវិធីមួយទៀតគឺជាកម្មវិធីប្រេននាឡិកាដៃលំដាប់ខ្ពស់មួយទៀត។
ប្រភពដដែលបានឲ្យដឹងថា ទោះបីជាកម្មវិធីទាំង២មានចម្ងាយឃ្លាតពីគ្នាឆ្ងាយ និងរវល់ខ្លាំងស្ទើរតែគ្មានពេលសម្រាកក៏ដោយ តែសម្រស់របស់តួរឿង The Long Ballad នៅតែស្រស់ស្អាតចែងចាំង ហាក់គ្មានអ្វីបាក់ទាល់តែសោះ។ កម្មវិធីទី១ ស្រីស្អាតអាយុ ២៩ឆ្នាំស្លៀករ៉ូបសបែបស្រគត់ស្រគំ សុភាពរាបសារ រីឯដល់ពេលល្ងាច Dilireba បានស្លៀករ៉ូបពណ៌ទឹកប្រាក់ដែលសិចស៊ីខ្លាំង បង្ហាញទ្រូង និងឆែកយ៉ាងខ្ពស់ ធ្វើឲ្យគេសម្លឹងមិនដាក់ភ្នែក។
មនុស្សជាច្រើនបានលាន់មាត់សរសើរ ស្រីស្អាតកើតឆ្នាំ ១៩៩២ ពិតជាមានថាមពលច្រើនខ្លាំងណាស់ ដោយទោះបីជាធ្វើការច្រើននៅតែមិនហត់ ហើយរក្សាបានថាមពលយ៉ាងល្អ៕