បវរកញ្ញាជប៉ុនអាយុ ១៤ឆ្នាំល្បីផ្ទុះក្រោយគ្រងមកុដព្រោះស្អាតដូចក្នុងរឿងនិទាន

2021-10-14 03:00:00
ចំនួនមតិ 0 | ចំនួនចែករំលែក 0

ទោះបីជាមានអាយុនៅវ័យក្មេងខ្លាំងក៏ដោយ តែសម្រស់របស់បវរកញ្ញាយុវវ័យថ្មីរបស់ជប៉ុនបានទាក់ទាញមនុស្សគ្រប់គ្នា ព្រោះស្រស់ស្អាតខ្លាំងពេក។

កាលពីថ្ងៃទី ១៣ ខែតុលាកន្លងទៅនេះ បណ្ដាញព័ត៌មាន Sohu បានរាយការណ៍ថា កម្មវិធីប្រកួតបវរកញ្ញាយុវវ័យជប៉ុនឆ្នាំ ២០២២ Miss Teen Japan 2022 ត្រូវបានបញ្ចប់វគ្គផ្ដាច់ព្រ័ត្រ និងរកឃើញជយលាភីរួចហើយ។ តាមនោះដែរ ស្រីស្អាតពាក់ស្លាកលេខ ៧ ឈ្មោះ Hana Ishikawa បានវ៉ាមុខបេក្ខនារីចំនួន ៧៥២៤រូបដើម្បីគ្រងមកុដបវរកញ្ញាឆ្នាំនេះ។

ភ្លាមៗក្រោយពេលស្រីស្អាតអាយុ ១៤ឆ្នាំនេះ ត្រូវបានចុះផ្សាយ ឈ្មោះរបស់នាងបានល្បីផ្ទុះនៅប្រទេសជប៉ុន ចិន និងកូរ៉េផងដែរ។ តាមនោះដែរ បវរកញ្ញាកើតឆ្នាំ ២០០៥ រូបនេះមានកម្ពស់ ១.៧៤ម និងទទួលបានការចាប់អារម្មណ៍ជាខ្លាំងពីសំណាក់បណ្ដាញព័ត៌មានក្នុងស្រុក ដោយពួកគេបានដាក់ងារឲ្យនាងថា ជាស្រីស្អាតពាន់ឆ្នាំមានម្ដង។

ក្រោយពេលគ្រងមកុដឆ្នាំនេះ Hana ត្រូវបានក្រុមហ៊ុនជាច្រើនយកនាងជាអ្នកតំណាង។ ទន្ទឹមនឹងការសិក្សា នាងក៏កំពុងជាតារាម៉ូដែលផងដែរ៕