ស្នេហាកាន់តែមានរសជាតិ នៅពេលដៃគូចេះប្រកាន់រឿង៥យ៉ាងនេះជាប់មិនលែង
- 2021-10-14 02:10:00
- ចំនួនមតិ 0 | ចំនួនចែករំលែក 0
ស្នេហាកាន់តែមានរសជាតិ នៅពេលដៃគូចេះប្រកាន់រឿង៥យ៉ាងនេះជាប់មិនលែង
បើចង់ឲ្យស្នេហាមិនល្វីងជូរចត់ អ្នកគប្បីប្រកាន់នូវទង្វើរ៥យ៉ាងនេះ នោះស្នេហាអ្នកនឹងគ្មានថ្ងៃប្រេះឆាទៅណានោះទេ។
១. សុំទោសចំពោះរឿងដែលបានធ្វើខុសដាក់គ្នា
និយាយពាក្យសុំទោស គឺជារឿងល្អនៅពេលអ្នកបានធ្វើខុស ព្រោះយ៉ាងហោចណាស់ក៏ធ្វើឲ្យអ្នកទាំងពីរអាចចាប់ផ្តើមជាមួយគ្នាវិញបានយ៉ាងល្អផងដែរ។ គ្រប់យ៉ាងដែលបានសាងឡើង គួរតែបំភ្លេចចោល ដើម្បីលុបបំបាត់នូវអារម្មណ៍អវិជ្ជមានទាំងឡាយ ហើយក៏មិនបង្កើតបញ្ហានាំឲ្យអ្នកឈឺក្បាលមិនចេះចប់មិនចេះហើយ នោះដែរ។
២. និយាយពាក្យថា ស្រលាញ់ចំពោះគ្នារាល់ថ្ងៃ
កុំអៀន ដោយគ្រាន់តែនិយាយពាក្យថា ស្រលាញ់ ព្រោះពាក្យមួយឃ្លានេះ ពិតជាជួយជម្រុញថាមពលស្នេហារបស់អ្នកឲ្យកាន់ថ្មបានយូរណាស់។ គួរតែនិយាយរាល់ថ្ងៃ កុំនិយាយតែពេលថ្ងៃពិសេស ឬត្រឹមថ្ងៃដែលអ្នកទាំងពីរចាប់ផ្តើមលើកដំបូង។
៣. លើកលែងទោសឲ្យសង្សារ និងខ្លួនឯងចំពោះរឿងដែលកន្លងហួស
អ្នកណាក៏ធ្លាប់សាងកំហុសដែរ តែបើអ្នកចេះព្រមលើកលែងទោសចំពោះគ្នាទៅវិញទៅមក វាគឺជារឿងល្អណាស់។ គ្រប់យ៉ាងវាបានកើតឡើងទៅហើយ ដូច្នេះទោះប្រឹងស្តីបន្ទោសខ្លួនឯង ឬអ្នកដទៃក៏ដោយ ក៏វាមិនបានប្រយោជន៍អ្វីឡើយ។ ហេតុនេះ មានតែការលើកលែងទោសទេ ទើបជាការចាប់ផ្តើម ល្អប្រសើរ។
៤. កុំខ្វល់មាត់អ្នកដទៃពេក
កុំបណ្តោយឲ្យសម្តីអ្នកដទៃជះឥទ្ធិពលខ្លាំងពេកមកលើស្នេហារបស់អ្នក។ គួរស្តាប់តែអ្វីដែលឆ្លាត មានប្រយោជន៍ទៅបានហើយ។ អ្នកគួរតែចេះជ្រើសរើសពាក្យណាដែលចេញពីមនុស្សចង់ឲ្យអ្នកល្អ ច្រើនជាងសម្តីចេញពីមាត់មនុស្សដែលគ្រាន់តែចង់ឃើញអ្នកលិចលង់។
៥. ចេះបែងចែកពេលវេលាធ្វើការ និងស្នេហា
ប្រឹងប្រែងធ្វើការ គឺជារឿងល្អហើយ តែបើញៀននឹងការងារពេក វាមិនល្អទេ។ អ្នកត្រូវចេះបែងចែកពេលវេលាសម្រាប់គ្រួសារ សម្រាប់ស្នេហាផង ទើបមិនធ្វើឲ្យអ្នកស្តាយក្រោយ៕