បះសក់ពេលដឹងតម្លៃដែលតួរឿង Squid Game ទទួលបានសម្រាប់ការបង្ហោះ Instagram មួយ
- 2021-10-12 23:00:00
- ចំនួនមតិ 0 | ចំនួនចែករំលែក 0
បះសក់ពេលដឹងតម្លៃដែលតួរឿង Squid Game ទទួលបានសម្រាប់ការបង្ហោះ Instagram មួយ
ទោះបីជាកេរ្តិ៍ឈ្មោះទើបតែល្បីថ្មីៗក៏ពិតមែន តែតារាសម្ដែង និងម៉ូដែលស្រីកូរ៉េ Jung Hoyeon ទទួលបានតម្លៃខ្លួនខ្ពស់កប់ពពកជាងរៀមច្បងទៅទៀត។
ទោះបីជាចាក់ផ្សាយបានជិត១ខែហើយក៏ដោយ តែខ្សែភាពយន្តភាគកូរ៉េ Squid Game នៅតែទទួលបានចំណាប់អារម្មណ៍យ៉ាងខ្ពស់ពីគ្រប់ទិសទីនៅលើពិភពលោក ក៏ដូចជាបណ្ដាញសង្គម។ ដោយសារតែជោគជ័យនៃរឿង បានពាំនាំឲ្យតួឯក និងរងក្នុងរឿងនូវកេរ្តិ៍ឈ្មោះល្បីភ្លាមៗមួយរំពេច។ ទន្ទឹមនឹងប្រជាប្រិយភាពនេះ តម្លៃខ្លួនរបស់ពួកគេក៏ឡើងគុណនឹងមុនជាច្រើនដងដូចគ្នា។
ជាក់ស្ដែង យោងតាមការរាយការណ៍របស់បណ្ដាញព័ត៌មាន Naver ត្រឹមមួយសប្ដាហ៍ តារាសម្ដែងស្រី និងម៉ូដែល Jung Hoyeon ដែលជាតួឯកក្នុងឯកក្នុងរឿងរកបាន ៨៦០០០ដុល្លារ ពីបណ្ដាញសង្គមរបស់ខ្លួន។ តាមនោះដែរ មុនពេលរឿងចាក់ផ្សាយ គណនី Instagram របស់នាងមានអ្នកតាមដាន៤សែននាក់ តែពេលនេះបានឡើងដល់ ១៧លាននាក់ហើយ។ ដូចនេះហើយ បើចង់ឲ្យនាងបង្ហោះការផ្សព្វផ្សាយមួយនៅលើបណ្ដាញនេះ គឺត្រូវចំណាយលើនាង ៤៣០០០ដុល្លារ។ សប្ដាហ៍មុននេះ នាងបង្ហោះផ្សាយ២ផុស ដូចនេះនាងទទួលបាន ៨៦០០០ដុល្លារ។
អ្វីដែលគួរឲ្យចាប់អារម្មណ៍នោះគឺ ផ្អែកតាមប្រភពដដែល សូម្បីតែកំពូលតារាសម្ដែងប្រុស Lee Byung Hun ក៏ទទួលបានត្រឹមតែ២០០០ដុល្លារប៉ុណ្ណោះ សម្រាប់ផុសមួយ ដូចនេះហើយ Jung Hoyeon មានតម្លៃខ្លួនលើសលោកដល់ទៅ ២១.៥ដង៕