មនុស្សស្រីអាយុជិត៣០ឆ្នាំ ចង់បានចិត្តស្ងប់ល្អ ដឹងរឿងទាំងនេះកាន់តែឆាប់កាន់តែល្អ
- 2021-10-15 01:00:00
- ចំនួនមតិ 0 | ចំនួនចែករំលែក 0
មនុស្សស្រីអាយុជិត៣០ឆ្នាំ ចង់បានចិត្តស្ងប់ល្អ ដឹងរឿងទាំងនេះកាន់តែឆាប់កាន់តែល្អ
អត្តចរិតក្ដៅក្រហាយ ឆាប់មួម៉ៅគឺជាធម្មជាតិរបស់មនុស្សគ្រប់រូប តែនៅពេលដែលអ្នកជិតឈានដល់អាយុ ៣០ឆ្នាំហើយ នៅតែរក្សាការគិតបែបនេះទៀតនោះ អ្នកនឹងពិបាករកភាពស្ងប់ចិត្តបានណាស់។ ខាងក្រោមនេះគឺជារឿង៣យ៉ាងដែលអ្នកគួរដឹងមុនពេលឈានដល់អាយុ ៣០ឆ្នាំ។
១. អំនួតខ្លួនខ្លាំងពេក
នៅអាយុជិត២០ឆ្នាំ ពួកយើងគិតថា នៅពេលមានវ័យជ្រេបន្តិច ពួកយើងនឹងមានចំណេះដឹងជ្រៅជ្រះ ហើយចេះអ្វីៗស្ទើរតែគ្រប់យ៉ាង។ យ៉ាងណាក្ដី ធាតុពិតនៅពេលយើងដល់អាយុដែលរំពឹងនេះ ចំណេះដឹងក៏ដូចជាសមត្ថភាពរបស់យើងគឺនៅស្ដួចស្ដើងខ្លាំងណាស់។ ដើម្បីធ្វើចិត្តចំពោះបញ្ហានេះបាន គឺអ្នកត្រូវហ៊ានបើកចិត្តហើយទទួលយកថា ចំណេះនៅមានកម្រិត ហើយយើងមិនអាចចេះបានគ្រប់បែបយ៉ាងនោះទេ។ បើអ្នកនៅតែប្រកាន់យកថាខ្លួនអស្ចារ្យជាងអ្នកដទៃ ហើយមិនព្រមចាញ់គេនោះ ចិត្តអ្នកនៅមិនស្ងប់ឡើយ។
២. ឆាប់ច្រឡោតពេក
មនុស្សឆ្លាតវៃ និងមនុស្សឆោតខុសគ្នាត្រង់ នៅពេលខឹងខ្លាំង មនុស្សឆ្លាតអាចទប់អារម្មណ៍បាន ឯមនុស្សឆោតនឹងបង្ហាញអារម្មណ៍ចេញមកទាំងស្រុង។ នៅពេលដែលអ្នកមិនអាចធ្វើអារម្មណ៍ខ្លួនឯងបានទេ នៅក្នុងកាលៈទេសៈណាក៏ដោយ ក៏អ្នកនឹងចាញ់គេដែរ។ អាយុជិត៣០ឆ្នាំ គឺជាវ័យដែលល្អបំផុត សម្រាប់លត់ដំចិត្តឲ្យធ្ងន់ កុំឆាប់ច្រឡោត ឆាប់ខឹង ទើបសម្រេចបានការងារធំ។
៣. មិនប្រៀបធៀបខ្លួននឹងអ្នកដទៃ
សម្រាប់បុគ្គលដែលឆាប់ជោគជ័យ វ័យក្បែរ៣០ឆ្នាំនេះ គឺអាចមានរបស់ផ្ទាល់ខ្លួនជាដុំកំភួនហើយ ដូចជាផ្ទះ ដី ឬឡានជាដើម។ យ៉ាងណាក្ដី អ្នកត្រូវចាំថា វិថីដែលមនុស្សគ្រប់រូបដើរ គឺមិនដូចគ្នាឡើយ ហើយចំណុចចុងក្រោយដែលសំដៅទៅដល់ក៏មិនដូចគ្នាដែរ។ កុំឃើញភាពជោគជ័យដ៏ឆាប់រហ័សរបស់គេ ហើយអន់ចិត្តនឹងខ្លួនឯង ព្រោះក្រោយស្រទាប់វាំងននដ៏ត្រចះត្រចង់មួយនោះ អ្នកក៏មិនដឹងដែរថា គេកំពុងជួបប្រទះរឿងអ្វី។ មានតែការមិនប្រៀបធៀបនឹងគេប៉ុណ្ណោះ ទើបធ្វើឲ្យអារម្មណ៍អ្នកស្ងប់មិនកញ្ជ្រោល ហើយពុះពារទៅមុខបានទៀត៕