ភាពភ្ញាក់ផ្អើលនឹងកើតមានលើស្បែករបស់អ្នកឲ្យប្រែជាស្អាត ដោយអំណាចទឹកក្តៅឧណ្ឌៗ

2021-10-11 00:58:00
ចំនួនមតិ 0 | ចំនួនចែករំលែក 0

ប្រសិនបើអ្នកចង់ទទួលបានទាំងសុខភាពល្អ និងសម្រស់ស្អាតបែបធម្មជាតិ ទឹកក្តៅអាចជាគ្រឿងជំនួយសម្រាប់អ្នកបាន។

១. លាងសម្អាតស្បែក

ដោយសារពេលផឹកទឹកក្តៅ អ្នកនឹងបែកញើសដែលវាជួយលាងសម្អាតស្បែករបស់អ្នកពីខាងក្នុងបាន។ លើសពីនេះ ក៏ជួយឲ្យប្រព័ន្ធរំលាយអាហារដំណើរការល្អ បន្សាបជាតិពុល ដែលនាំឲ្យស្បែកមើលទៅភ្លឺថ្លាពីខាងក្នុង។

២. ការពារមិនឲ្យឆាប់ចាស់

ភាពតានតឹងនឹងធ្វើឲ្យស្បែកវិវត្តលឿនទៅរកភាពចាស់ និងខ្មៅក្រោមរង្វង់ភ្នែក។ ដូច្នេះហើយ ការផឹកទឹកក្តៅឧណ្ឌៗនឹងជួយជុសជុលកោសិកាស្បែកដែលបំផ្លាញខូចដោយរ៉ាឌីកាល់សេរី ឲ្យវិលមកសភាពស្រស់ថ្លាឡើងវិញ។

៣. បំបាត់អង្គែរ

ដោយសារផឹកទឹកក្តៅ ជួយបង្កើនសំណើមនិងសុខភាពល្អ ហេតុនេះវាក៏មានឥទ្ធិពលដល់ស្បែកក្បាលរបស់អ្នកផងដែរ។ វាជួយបានដល់ឬសសក់ឲ្យរឹងមាំ ភ្លឺរលោងនិងទន់ស្អាត ហើយឆាប់ដុះកូនសក់មកច្រើនផងដែរ។

៤. ស្បែកស្អាត

បើអ្នកផឹកទឹកក្តៅទៀងទាត់ នោះរាងកាយរបស់អ្នកនឹងសមសួន មិនងាយធាត់ ចរន្តឈាមរត់បានស្រួល និងចលនាសាច់ដុំដំណើរការល្អ។ នៅពេលចរាចរណ៍ឈាមរត់ស្រួល កោសិកាស្បែកថ្មីនឹងលូតលាស់ ហើយស្បែកក៏មានជីវជាតិ សភ្លឺថ្លាផងដែរ។

៥. ស្បែកមានសំណើម

ទោះបីអ្នកប្រើផលិតផលថ្លៃកម្រិតណាក៏ដោយ តែបើអ្នកមិនព្រមចិញ្ចឹមស្បែកដោយការផឹកទឹកឲ្យគ្រប់គ្រាន់ទេ នោះស្បែករបស់អ្នកឆាប់ជ្រួញបំផុត។ ហេតុនេះ វិធីដ៏សាមញ្ញគឺការផឹកទឹកក្តៅឧណ្ឌៗជាប្រចាំថ្ងៃ ដែលអាចជួយឲ្យស្បែកមានសំណើម កាត់បន្ថយស្នាមអុជខ្មៅ និងយារធ្លាក់បាន៕