ជ្រើសយកកញ្ចក់មួយដើម្បីដឹងពីដំណើរជីវិតរបស់អ្នក ៣ខែខាងមុខ
- 2021-09-23 02:45:00
- ចំនួនមតិ 0 | ចំនួនចែករំលែក 0
ជ្រើសយកកញ្ចក់មួយដើម្បីដឹងពីដំណើរជីវិតរបស់អ្នក ៣ខែខាងមុខ
រយៈពេល៣ខែចុងក្រោយនៃឆ្នាំនេះ ជីវិតអ្នកនឹងប្រែប្រួលយ៉ាងណា សូមជ្រើសយកកញ្ចក់មួយដើម្បីដឹងពីលទ្ធផល។
១. សារសម្រាប់អ្នកគឺ៖ ចុះចាញ់នឹងព្រហ្មលិខិត។ អ្នកត្រូវតែទទួលយកជីវិតរបស់ខ្លួនឯង ហើយឈប់ប្រឆាំងនឹងការចង់បានរបស់ខ្លួនទៀត។ តែម្ដងក៏បាន តែសូមស្ដាប់នូវបេះដូងរបស់ខ្លួន ថាវាចង់បានអ្វីឲ្យពិតប្រាកដ កុំបដិសេធនឹងអ្វីដែលខ្លួនចង់បានទៀត។ យូរណាស់មកហើយ អ្នកតែងតែភ័យខ្លាច ហើយមិនដែលហ៊ានធ្វើអ្វីដែលខ្លួនស្រលាញ់នោះឡើយ។ អ្នកស្ដាយក្រោយច្រើនដងមកហើយ ដែលមិនបានធ្វើអ្វីដែលខ្លួនស្រលាញ់។ អ្នកក៏សូមទោសខ្លួនឯងមិនតិចដងដែរដែលមិនហ៊ានដើរតាមនូវអ្វីដែលខ្លួនស្រលាញ់ពិតប្រាកដ។ មូលហេតុដែលយើងមានវត្តមានលើពិភពលោកនេះ គឺដើម្បីទទួលនូវអ្វីៗល្អៗ ដូចនេះកុំរត់ចេញពីអ្វីដែលខ្លួនចង់បានទៀត។
២. សារសម្រាប់អ្នកគឺ៖ សូមលើកតម្លៃខ្លួនឯង។ អ្នកត្រូវចង់ចាំថា អ្នកស័ក្ដិសមនឹងទទួលនូវអ្វីៗដែលប្រពៃនៅក្នុងជីវិតនេះ អ្នកមិនអន់ជាងអ្នកណាទាំងអស់។ ពេលវេលាដ៏សមស្របបានមកដល់ហើយ ដូចនេះអ្នកត្រូវចាប់យកឱកាសឲ្យបានដើម្បីលើកកម្ពស់តម្លៃខ្លួនឯង។ ឱកាសជោគជ័យគឺមានសម្រាប់គ្រប់ៗគ្នា ដូចនេះសូមបោះបង់គំនិតគិតថា ខ្លួនមិនស័ក្ដិសមនឹងទទួលនូវអ្វីដែលល្អចោល ហើយគិតថាខ្លួនស័ក្ដិសមនឹងរឿងប្រសើរដូចគេឯងដែរ។
៣. សារសម្រាប់អ្នកគឺ៖ កុំបោះបង់ឲ្យសោះ។ ទោះបីជាដើរយឺត ឬដើរលឿនក៏ដោយ ឲ្យតែអ្នកមិនបោះបង់ អ្នកគង់តែទៅដល់គោលដៅ គ្រាន់តែយូរ និងឆាប់ប៉ុណ្ណោះ។ ផ្ទុយមកវិញ ប្រសិនបើអ្នកសម្រេចថាបោះបង់ហើយ គឺអ្នកគ្មានថ្ងៃដើរទៅដល់ឡើយ។ នេះគឺជាពេលវេលាដែលអ្នកត្រូវតែតាំងចិត្ត ដើម្បីដឹងឈានទៅកាន់គោលដៅរបស់ខ្លួន។ នៅតាមផ្លួវទៅកាន់ជោគជ័យនេះ រមែងមានឧបសគ្គ តែប្រសិនបើអ្នកដាក់ចិត្តហើយ អ្នកនឹងអាចទទួលយកបាន។
៤. សាររបស់អ្នកគឺ៖ ទទួលយកស្នេហាទៅ។ នេះគឺជាពេលដែលអ្នកត្រៀមខ្លួនរួចរាល់ដើម្បីទទួលយកស្នេហាហើយ។ ដូចនេះប្រសិនបើកំឡុងពេលនេះ មានអ្នកចង់ចូលបេះដូងអ្នក សូមអ្នកទទួលយក ដោយកុំរត់ចេញ ឬបដិសេធទៀតអី។ ព្រោះកន្លងទៅនេះ គឺអ្នករស់នៅដើម្បីអ្នកដទៃយូរមកហើយ ហើយមិនហ៊ានស្រលាញ់អ្នកណាម្នាក់ឡើយ។ តែពេលនេះចក្រវាលចង់បានប្រាប់អ្នក គឺដល់ពេលស័ក្ដិសមដែលអ្នកត្រូវទទួលបានស្នេហារបស់ខ្លួនហើយ៕