ប្រភេទមនុស្សស្រីទាំង៣ដែលទោះបីជាចូលជីវិតគេខ្លី តែបន្សល់ឲ្យគេនឹកមួយជីវិត

2021-09-23 02:20:00
ចំនួនមតិ 0 | ចំនួនចែករំលែក 0

អ្នកខ្លះចូលមកជីវិតយើងមិនមែនមកស្នាក់នៅឡើយ ដោយគ្រាន់តែដើរឆ្លងកាត់ប៉ុណ្ណោះ។ តែបើអ្នកមានអត្តចរិតដូចខាងក្រោម ទោះបីជាខ្លីមែនពិត តែនឹងធ្វើឲ្យគេនឹកគិតដល់អ្នករយៈពេលយូរ។

១. មនុស្សស្រីរមទម្យ ជ្រះថ្លា

ភាពរមទម្យគឺជាចរិតធម្មជាតិរបស់មនុស្សស្រី និងក៏ជាអាវុធដ៏ផ្អែមល្ហែមរបស់ពួកគាត់ផងដែរ។ ដែលអាវុធដ៏មុតស្រួចមួយនេះ អាចផ្ដួលបានគោលដៅជាច្រើន។ មនុស្សប្រុសអាចស្គាល់មនុស្សស្រីច្រើន តែបើអ្នកដែលមានចរិតរមទម្យនឹងធ្វើឲ្យដិតដាមនៅក្នុងចិត្តគេជ្រៅជាងគេ។ បើគួបផ្សំនឹងទឹកចិត្តជ្រះថ្លាទៀតនោះ គឺប្រៀបបានដូចរាវម្ជុលបាតសមុទ្រនៅសម័យបច្ចុប្បន្ន បើគេប្រទះបានហើយ ប្រាកដជាមិនទុកឲ្យរបូតនោះទេ។

២. មនុស្សស្រីស្អាត ទាក់ទាញ

មិនថានៅសម័យណាក៏ដោយ ភាពស្អាតបាត ទាក់ទាញនៅតែជាចំណុចដែលធ្វើឲ្យមនុស្សគ្រប់រូបមិនអាចបំភ្លេចនរណាម្នាក់បាន។ មនុស្សស្រីកើតមកអាចមិនទាន់ស្អាត តែមិនមែនអ្នកមិនអាចកែប្រែចំណុចទាំងនេះបានឡើយ។ បើលើសទម្ងន់ អ្នកអាចសម្រក បើស្បែកស្រអាប់ អ្នកអាចថែឲ្យភ្លឺ។ គ្រប់យ៉ាងសុទ្ធតែកែតម្រូវបានទាំងអស់បើអ្នកដាក់កាយដាក់ចិត្តធ្វើវា។ ទោះជាយ៉ាងណា សម្រស់ស្រស់ស្អាតក៏នាំមកនូវឲ្យយើងឱកាសច្រើនជាងដូចគ្នា ទោះមិនមែនជារឿងស្នេហាក៏ដោយ។

៣. មនុស្សស្រីខុសប្លែកពីអត្រាភាគច្រើន

ប្រសិនបើគេជាអ្នកចេះដឹង និងចាស់ទុំពិតប្រាកដ គេនឹងសម្លឹងឃើញនារីដែលមានចក្ខុវិស័យខុសពីមតិភាគច្រើន ព្រោះបើដូចមតិភាគច្រើន នឹងធ្វើឲ្យគេកើតអារម្មណ៍ឆាប់សាំ។ មនុស្សយើងកើតមកគ្រប់រូប គ្រាន់តែអ្នកខ្លះរស់នៅដោយសម្ដែងភាពខុសគ្នានេះចេញមក ហើយអ្នកខ្លះជ្រើសយករស់នៅតែស្ងប់ស្ងាត់តែប៉ុណ្ណោះ។ តែមនុស្សស្រីដែលហ៊ានរស់នៅឲ្យខុសពីអត្រាភាគច្រើនគឺឯករាជ្យ ដែលធ្វើឲ្យខ្លះភ័យខ្លាច តែបើប៉ះអ្នកមានចក្ខុវិស័យឆ្ងាយដូចគ្នា គឺប្រៀបបានដូចជាគូដែលបានកំណត់មកស្រេច៕

ប្រភព៖ Phunutoday ប្រែសម្រួល៖ លឹម សុនា