ពាក្យ៣ឃ្លាដែលមនុស្សប្រុសនិយាយតែពេលស្រលាញ់អ្នកពិត បើមិនទាន់ឮកុំទាន់អាលជឿគេ
- 2021-09-23 02:25:00
- ចំនួនមតិ 0 | ចំនួនចែករំលែក 0
ពាក្យ៣ឃ្លាដែលមនុស្សប្រុសនិយាយតែពេលស្រលាញ់អ្នកពិត បើមិនទាន់ឮកុំទាន់អាលជឿគេ
នៅថ្ងៃណាដែលមនោសញ្ចេតនារបស់អ្នកទាំង២មិនទាន់បានលាតត្រដាងជាមួយគ្រួសារខាងគេ មានន័យថា គេមិនទាន់បើកចំហរចិត្តស្រលាញ់អ្នកពេញលេញនោះឡើយ។ ខាងក្រោមនេះគឺជាសកម្មភាពទាំង៣ដែលមានតែអ្នកស្រលាញ់អ្នកពិតប៉ុណ្ណោះ ទើបហ៊ាននិយាយចេញមក។
១. គ្រប់គ្នាក្នុងគ្រួសារបង សុទ្ធតែចង់ជួបបង
នៅពេលគេនិយាយឃ្លានេះចេញមក មានន័យថា មុននោះ គេបានប្រាប់គ្រួសារគេអំពីចរិតល្អរបស់អ្នក ហើយមានបំណងដើរផ្លូវយូរអង្វែងជាមួយអ្នកហើយ ទើបគ្រួសារខាងគេក៏អន្ទះសារចង់ជួបអ្នកដូចគ្នាបែបនេះ។ ដោយសារតែស្ដាប់ឮពីអ្នកបានត្រឹមពីមាត់គេបែបនេះហើយ ទើបធ្វើឲ្យសមាជិកគ្រួសារគេចង់ជួបអ្នកកាន់តែឆាប់កាន់តែល្អ។ ដូចនេះហើយ បើគេមានបំណងណែនាំយើងឲ្យគ្រួសារគេបានស្គាល់ហើយ អាចចាត់ទុកបានថា គេច្បាស់ការជាមួយយើងខ្លាំងណាស់ហើយ។
២. អូនគិតយ៉ាងម៉េចចំពោះបង
សំនួរនេះត្រូវបានសួរចេញមក នៅពេលគេចង់ដឹងថា តើយើងមានបំណងដើរផ្លូវវែងឆ្ងាយនឹងគេដែរឬអត់។ ព្រោះបើអ្នកឆ្លើយបែបគេគ្រាន់តែជាអ្នកកំដរចិត្តនោះ គេនឹងដើរចេញ ព្រោះមនុស្សសួរសំនួរទាំងនេះ មិនចូលចិត្តអ្វីដែលមួយឆាវៗនោះឡើយ ព្រោះគេស្វែងរកអ្វីដែលយូរអង្វែង។ អាស្រ័យហេតុនេះហើយ បើអ្នកជាមនុស្សចាស់ទុំ ចង់រកទ្រនំពិតប្រាកដ គេនេះហើយជាមនុស្សដែលអ្នកត្រូវការ។
៣. បងចង់នាំអូនឲ្យស្គាល់មិត្តបង
បើគេចង់ណែនៃអ្នកឲ្យមិត្តគេស្គាល់ មានន័យថា គេមានមោទនភាពចំពោះអ្នក ហើយចង់យកអ្នកមកប្រាប់ឲ្យគ្រប់គ្នាដឹងថា គេសំណាងដែលមានអ្នកជាគូ។ ព្រោះនៅសម័យនេះ មនុស្សប្រុសមួយចំនួន ទោះមានសង្សារហើយមែនពិត នៅតែរក្សាអាថ៍កំបាំងចំពោះចំណងនេះ ត្បិតគេខ្លាចបាត់បង់សេរីភាព ខ្លាចត្រូវចងជើងជាដើម។ មិនងាយមានអ្នកចង់ public ស្នេហារបស់គេឡើយ។ តែអ្នកដែលស្រលាញ់ និងច្បាស់ការហើយ គេមិនក្រែងក្នុងការ public នោះទេ៕