អ្នកគ្រូវៀតណាមចាក់វ៉ាក់សាំង២ដូសជាប់គ្នា ឃ្លាតតែ១០នាទី រកចាក់ដូសទី ៤ឲ្យហើយទៀត
- 2021-09-22 15:00:00
- ចំនួនមតិ 0 | ចំនួនចែករំលែក 0
អ្នកគ្រូវៀតណាមចាក់វ៉ាក់សាំង២ដូសជាប់គ្នា ឃ្លាតតែ១០នាទី រកចាក់ដូសទី ៤ឲ្យហើយទៀត
អ្នកគ្រូបង្រៀនម្នាក់មកពីប្រទេសវៀតណាម បានកុហកវេជ្ជបណ្ឌិតដើម្បីឲ្យខ្លួនអាចចាក់វ៉ាក់សាំង២ដូសជាប់គ្នា ដោយគម្លាតពីដូសទី ១ ទៅដូសទី២គឺឃ្លាតគ្នាត្រឹមតែ១០នាទីតែប៉ុណ្ណោះ។ កាលពីថ្ងៃទី ២១ ខែកញ្ញាកន្លងទៅនេះ លោក Ngo Duc Van នាយកមន្ទីរពេទ្យទូទៅខណ្ឌ Le Thuy ខេត្ត Quang Binh ប្រទេសវៀតណាមបានប្រាប់បណ្ដាញព័ត៌មានក្នុងស្រុកថា ក្រោយពេលអ្នកគ្រូម្នាក់ចាក់វ៉ាក់សាំង២ដូសជាប់គ្នា ដោយឃ្លាតតែ១០នាទីនោះ មិនទាន់ឃើញមានអាការៈអ្វីខុសប្រក្រតីនោះឡើយ។
លោកនាយកមន្ទីរពេទ្យខាងលើបានឲ្យដឹងថា ការចាក់២ដូសជាប់គ្នានេះ គឺជាការចេតនារបស់អ្នកគ្រូខាងលើ ដោយអ្នកគ្រូរូបនេះ បានបន្លំពេទ្យដើម្បីបានចាក់បែបនេះ។ អ្វីដែលរឹតតែមិនគួរឲ្យជឿនោះគឺ នាយកពេទ្យនៃខណ្ឌខាងលើបានឲ្យដឹងថា អ្នកជំងឺក្រោយពេលត្រូវគេចាប់បានថាកុហកបានស្រែកមកវិញថា៖ នាងចង់តែចាក់៤ដូសឲ្យហើយទៀតផង។
វេជ្ជបណ្ឌិតដែលចាក់វ៉ាក់សាំងឲ្យនារីខាងលើ បានឲ្យដឹងថា វ៉ាក់សាំងដែលនាងទទួលនេះគឺ វ៉ាក់សាំង AstraZeneca ដោយសព្វថ្ងៃនាងគឺជាគ្រូមតេយ្យនៃសាលា Truong Thuy នៅខណ្ឌ Le Thuy នេះដែរ។ យោងតាមកាមេរ៉ាសុវត្ថិភាពដែលថតបាន គេសង្កេតឃើញថា ក្រោយពេលចាក់ដូសទី១រួច នារីរូបនេះ បានបត់ក្រដាសចាក់វ៉ាក់សាំងទុក ហើយទៅអង្គុយចាំចាក់ដូសទី២តែម្ដង នៅតុផ្សេងមួយទៀត៕