កូនស្រីចៀវៃ ប្រាប់ម្ដាយថាឃើញប៉ាលួចថើប Yang Mi ធ្វើឲ្យ Wallace Huo មិនដឹងឆ្លើយថាម៉េច
- 2021-09-20 03:46:00
- ចំនួនមតិ 0 | ចំនួនចែករំលែក 0
កូនស្រីចៀវៃ ប្រាប់ម្ដាយថាឃើញប៉ាលួចថើប Yang Mi ធ្វើឲ្យ Wallace Huo មិនដឹងឆ្លើយថាម៉េច
កូនស្រីរបស់ប្ដីប្រពន្ធកំពូលតារាសម្ដែងតៃវ៉ាន់ Ruby Lin និង Wallace Huo បានប្រទះឃើញឪពុកខ្លួនថើបគ្នានឹងនារីដទៃ ហើយបានយករឿងនេះទៅប្រាប់ម្ដាយ។
កាលពីថ្ងៃទី ១៦ ខែកញ្ញាកន្លងទៅនេះ បណ្ដាញព័ត៌មាន Sina បានចុះផ្សាយរឿងខាងក្រោយឆាករបស់កំពូលតារាសម្ដែងស្រី Yang Mi និង Wallace Huo កាលពីអ្នកទាំងពីរសហការគ្នាក្នុងរឿង The Great Craftman កាលពីឆ្នាំ ២០១៩ ដែលមិនទាន់មានអ្នកណាដឹង។
តាមនោះដែរ នៅក្នុងវណ្ណកម្មខាងលើ ស្វាមីរបស់កំពូលតារាសម្ដែងស្រីតៃវ៉ាន់ Ruby Lin ដើរតួជាគូស្នេហ៍របស់តួរឿង និស្ស័យស្នេហ៍ទេវតាបីជាតិ។ ដូចនេះហើយ នៅក្នុងរឿង ពួកគេមានឈុតឆាកផ្អែមល្ហែមនឹងគ្នាជាខ្លាំង ដោយនៅក្នុងនោះ គឺមានវគ្គថើបគ្នារបស់តួឯកទាំងពីរ។
ដោយសារតែចង់រក្សាអនុស្សាវរីយ៍ ប្រុសស្អាតអាយុ ៤១ឆ្នាំ បានយករូបខ្លះត្រលប់មកផ្ទះវិញ។ នៅពេលកូនស្រីរបស់លោកឃើញរូបលោកថើបគ្នាជាមួយមនុស្សស្រីដទៃ នាងបានយករូបនេះទៅប្រាប់ម្ដាយថា៖ ម៉ាក់អើយ មើលប៉ាថើបមីង Yang Mi នៀក។ នៅពេលឮដូចនេះ Wallace Huo រៀងជ្រួលច្របល់មិនដឹងឆ្លើយថាម៉េចឲ្យសម ទើបប្រាប់ទៅកូនស្រីវិញថា នេះមិនជាប៉ាឡើយ គ្រាន់តែជាអ្នកផ្សេងដែលមានមុខស្រដៀងប៉ាប៉ុណ្ណោះ ដែលធ្វើកូនស្រីរបស់លោកជឿ តែរីឯ Ruby Lin វិញគឺសើចមិនឈប់ឡើយ ព្រោះមិនជឿថាប្ដីខ្លួនអាចរកនឹកឃើញលេសបែបនេះ។
ប្ដីប្រពន្ធតារានេះឲ្យដឹងថា ថ្ងៃក្រោយបើមានយករូបមកផ្ទះទៀត ក៏មិនទុកកន្លែងដែលកូនស្រីអាចរកឃើញដែរ ព្រោះមិនដឹងឆ្លើយថាម៉េចទៀត៕