Lisa ពិតជារាជិនី Sold Out មែន សូម្បីតែរបស់មួយនេះក៏លក់ដាច់គ្មានសល់ដែរ
- 2021-09-20 03:26:00
- ចំនួនមតិ 0 | ចំនួនចែករំលែក 0
Lisa ពិតជារាជិនី Sold Out មែន សូម្បីតែរបស់មួយនេះក៏លក់ដាច់គ្មានសល់ដែរ
ឥទ្ធិពលរបស់កំពូលតារាចម្រៀងស្រីថៃ Lisa ពិតជាមិនធម្មតាឡើយ ដោយរាល់អ្វីដែលតារានេះប្រើតែងតែលក់ដាច់គ្មានសល់។
មុននេះបន្តិច បណ្ដាញព័ត៌មាន Sanook បានរាយការណ៍ថា ដោយសារឥទ្ធិពលនៃកំពូលតារាចម្រៀងថៃ Lisa ជាមួយនឹងបទថ្មីចំណងជើង Lalisa របស់ខ្លួន ស្រីស្អាតអាយុ ២៤ឆ្នាំ បានជួយជំរុញវិស័យលក់រាយឲ្យបានកើនជាងមុនជាខ្លាំងក្លា។
តាមនោះដែរ នៅក្នុងកម្មវិធី Woody Show ម្ចាស់បទ Kill This Love បានឲ្យដឹងថា នៅក្នុងកំឡុងពេលមិនអាចត្រលប់ទៅស្រុកកំណើតនេះ នាងឃ្លានជាងគេ សាច់អាំង និងប្រហិតដោតចង្កាក់ជាខ្លាំង ត្បិតនៅប្រទេសកូរ៉េ គឺមិនមានលក់របស់ទាំងនេះឡើយ។
ក្រោយពេលកម្មវីធីនេះត្រូវបានចាក់ផ្សាយ អាជីវករលក់សាច់អាំងនេះ បានប្រាប់បណ្ដាញព័ត៌មានថា ពួកគេបានលក់ដាច់ជាងមុនដល់ទៅ ៦ដង ហើយត្រូវកម្ម៉ង់សាច់ច្រើនជាងមុន ត្បិតមានអតិថិជនជាច្រើនក្រោយពេល មើលកម្មវិធីខាងលើ ក៏បានមករកសាច់អាំងនេះញ៉ាំ។
ក្រៅពីនេះ មកុដដែល Lisa ពាក់នៅក្នុង MV នោះ ក៏ស្រាប់តែមានតម្រូវការទិញយ៉ាងគំហុកដូចគ្នា ធ្វើឲ្យទីផ្សារជាច្រើនត្រូវដាច់ស្ដុក ត្បិតមុននោះ មកុដបែបនេះគឺកម្រលក់ចេញខ្លាំងណាស់។ អាស្រ័យហេតុនេះ មនុសុ្សជាច្រើនបានលាន់មាត់ថា ស្រីស្អាតរូបនេះ មិនត្រឹមតែលក់ដាច់ចេញតែខោអាវនោះទេ គឺគ្រប់យ៉ាងដែលមានពាក់ព័ន្ធនឹង Lisa គឺសុទ្ធតែ Sold Out ទាំងអស់៕