ជីវិតអ្នកអាចនឹងជោគជ័យទាំងមិនដឹងខ្លួននៅពេលដែលបាននៅក្បែរមនុស្សប៉ុន្មានប្រភេទនេះ

១. មនុស្សដែលពេញចិត្តនឹងបង្រៀនអ្នក

មិនថាជាអ្នកចេញធ្វើការជាយូរឆ្នាំ ឬ ក៏ជាអ្នកទើបតែប្រឡូកក្នុងវិស័យការងារនោះទេ បើសិនជាមានមនុស្សម្នាក់ដែលអ្នកអាចទុកចិត្តបាន អាចពឹងពាក់បានពេលមានទុក្ខលំបាក ពេញចិត្តនឹងបង្ហាត់បង្រៀនចំណេះដឹងផ្ទាល់ខ្លួនគេមកអោយអ្នកនោះ មិនបាច់គិតច្រើននោះទេ គេម្នាក់នេះហើយជាគ្រូបង្រៀនសម្រាប់អ្នកនៅក្នុងរឿងការងារអ្នក។

២. មនុស្សដែលតែងតែគោរពពាក្យសន្យា

មនុស្សដែលមានទម្លាប់គោរពសន្យាបែបនេះ ភាគច្រើនតែងតែជាមនុស្សដែលដឹងយ៉ាងប្រាកដថាអ្វីដែលពួកគេនិយាយចេញទៅនោះ អាចសម្រេចបានដែរឬអត់។ នៅពេលដែលអ្នករាប់អានមនុស្សប្រភេទនេះ អ្នកក៏អាចនឹងចាប់ផ្ដើមកែប្រែខ្លួនអោយមកប្រកាន់ទម្លាប់ស្រដៀងនឹងពួកគេបានផងដែរ។

៣. គូសត្រូវអ្នក

មិនថាទៅដល់ទីណា ក៏ប្រកបរបរជាអ្វីនោះទេ គឺចៀសមិនផុតពីមនុស្សដែលពេញចិត្តនឹងអ្នក ហើយចង់ចាញ់ចង់ឈ្នះនឹងអ្នកនោះ។ តែបើគិតតាមបែបវិជ្ជមានវិញ ការដែលមានមនុស្សប្រភេទនេះនៅក្នុងជីវិតអាចនឹងជួយអោយអ្នកកាន់តែរីកចម្រើន អភិវឌ្ឃន៏ខ្លួនឯងកាន់តែប្រសើរជាងមុនមិនខាន។

៤. មនុស្សដែលជួយអ្នកអោយមើលឃើញពីសក្ដានុពលរបស់ខ្លួនឯង

ធម្មតាទេ ពេលខ្លះនៅពេលដែលអ្នកមិនទាន់មានបទពិសោធន៏ជីវិតក្រាស់ក្រែលនៅឡើយ អ្នកអាចនឹងមិនទាន់ប្រាកដក្នុងចិត្តនៅឡើយទេ ថាអ្នកចង់ធ្វើអ្វី ហើយមានសមត្ថភាពពិសេសអ្វីជាប់ខ្លួននោះទេ។ ហេតុនេះហើយនៅពេលដែលមានមនុស្សមកជួយគូសវាសតម្រង់ផ្លូវ អោយអ្នកស្វែងយល់ពីខ្លួនឯងបែបនេះ ច្បាស់ជាត្រូវអរគុណគេខ្លាំងណាស់ហើយ។