Wu Yifan ប្រញាប់លក់ដី និងផ្ទះតម្លៃ ២០៦លានដុល្លារចេញ ដើម្បីការពារទ្រព្យមុនត្រូវរឹបអូស
- 2021-09-20 02:18:00
- ចំនួនមតិ 0 | ចំនួនចែករំលែក 0
Wu Yifan ប្រញាប់លក់ដី និងផ្ទះតម្លៃ ២០៦លានដុល្លារចេញ ដើម្បីការពារទ្រព្យមុនត្រូវរឹបអូស
ក្នុងបំណងការពារទ្រព្យសម្បត្តិរបស់ខ្លួនពីការបង្កករបស់រដ្ឋ តារាសម្ដែងប្រុសល្បីឈ្មោះចិន Wu Yifan បានប្រញាប់ប្រកាសលក់អចលនទ្រព្យរបស់ខ្លួនទាំងអស់។
កាលពីថ្ងៃទី ១៣ ខែកញ្ញាកន្លងទៅនេះ បណ្ដាញព័ត៌មាន On បានរាយការណ៍ថា តារាសម្ដែង និងចម្រៀងល្បីឈ្មោះ Wu Yifan ដែលកំពុងជាប់ពន្ធគារនោះ បានពឹងពាក់គ្រប់បណ្ដាញទាំងអស់ដែលខ្លួនស្គាល់ដើម្បីលក់អចលទ្រព្យនៅទីក្រុងប៉េកាំងចេញទាំងអស់។ ប្រភពដដែលបានឲ្យដឹងថា សរុបទាំងអស់បណ្ដុំដីធ្លី និងផ្ទះសម្បែងរបស់ប្រុសស្អាតអាយុ ៣០ឆ្នាំសរុបជាទឹកប្រាក់គឺ ២០៦លានដុល្លារ។
On បានបន្ថែមឲ្យដឹងថា ម្ដាយរបស់តួរឿង The Golden Hairpin បានពឹងឲ្យតំណាងផ្នែកច្បាប់របស់ខ្លួន ប្រកាសលក់ចេញផ្ទះរបស់លោកនៅទីក្រុងប៉េកាំងបន្ទាន់បំផុត ទោះបីជាត្រូវខាតយ៉ាងណាក៏ដោយ។ ក្រៅពីនោះដែរ តាមការពិត Wu Yifan មានក្ដាប់ក្នុងដៃភាគហ៊ុនរបស់ក្រុមហ៊ុនជាច្រើន តែដើម្បីកុំឲ្យពាក់ព័ន្ធដល់ក្រុមហ៊ុនទាំងនោះ គិតត្រឹមចុងខែ កក្កដា លោកនៅមានភាគហ៊ុនតែ២ក្រុមហ៊ុនប៉ុណ្ណោះ។
មុននោះដែរ ម្ដាយរបស់តារាប្រុសកើតឆ្នាំ ១៩៩០ បានបញ្ជូនគ្រឿងអលង្ការមានតម្លៃ ក៏ដូចជាកំពូលឡានរបស់កូន និងខ្លួនទាំងអស់ទៅក្រៅស្រុកដើម្បីជៀសវាងការបង្កករបស់រដ្ឋ។ បណ្ដាញ QQ បានឲ្យដឹងថា ប្រសិនជាត្រូវបានដោះលែង លោកនឹងត្រូវសងថ្លៃធ្វើឲ្យខូចកិច្ចសន្យាគេចំនួនប្រមាណ ៧៧លានដុល្លារ។ ដូចនេះហើយ ការរក្សាទុកទ្រព្យចំនួន ២០៦លានដុល្លារខាងលើគឺចាំបាច់បំផុត៕